COVID-19: 1 mijë vdekje brenda ditës në Rusi

Rusia të shtunën e 16 tetorit ka regjistruar 1 mijë vdekje nga COVID-19 brenda ditës – për herë të parë që prej shfaqjes së pandemisë.

Shifra ishte rritur gjatë gjithë javës, me kryeqytetin, Kremlin – duke fajësuar popullin rus për mos marrjen e dozave të vaksinës kundër COVID-19.

Vetëm rreth një e treta e popullsisë ka implementuar një dozë, mes mosbesimit të gjerë ndaj vaksinave.

Deri më tani në Rusi kanë humbur jetën 222 mijë njerëz dhe është shifra më e lartë në Evropë. Ndërsa ka regjistruar 33 mijë infeksione të reja të shtunën.

Qeveria ka shmangur vendosjen e kufizimeve të rrepta sepse thotë se duhet të mbajë ekonominë në punë.

Kremlini është përqendruar në apatinë publike ndaj vaksinimit.

Këtë javë, zëdhënësi Dmitry Peskov tha se, “në një situatë ku infeksionet po rriten, është e nevojshme të vazhdojmë t’u shpjegojmë njerëzve se ata duhet të vaksinohen”.

Ai bëri thirrje për vaksinim pasi, “është vërtet e papërgjegjshme të mos vaksinohesh”.

Qeveria këmbëngul se sistemi shëndetësor nuk është mbingarkuar dhe mund të përballojë numrin në rritje të pacientëve.

Sidoqoftë, ministri i Shëndetësisë, Mikhail Murashko, u bëri thirrje mjekëve që kishin lënë praktikat për shkak të frikës së COVID-19, që të vaksinoheshin dhe të ktheheshin në punë.

Numri i rasteve aktive të njerëzve të infektuar në Rusi është rreth 750 mijë – gjithashtu më i larti që prej fillimit të pandemisë – në shkurt 2020.

Infeksionet e përgjithshme që nga fillimi i shpërthimit tani po mbyllen në 8 milionë. Sondazhet e fundit të opinionit publik sugjeruan se shifra e rusëve të pavaksinuar mund të jetë më shumë se 50%.

Nga ana tjetër Rusia ka prodhuar dhe vaksinën “Sputnik V”, e cila nisi implementimin vitin e kaluar. Gjithashtu qeveria ka miratuar për prodhim dhe tre të tjera.

Por, pavarësisht kësaj, nuk ka arritur të bindë popullin se këto vaksina janë të mbrojtëse, të nevojshme dhe të besueshëm.

Ndërkohë shumë shtete në të gjithë botën janë furnizuar me “Sputnik V”. Megjithëse vaksina u vendos në dispozicion për vendet e tjera shpejt, ajo hasi në vështirësi – me disa vende që nuk ishin në gjendje të merrnin dozat e tyre në kohë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.