Tashmë të gjithë e dimë se sa e rëndësishme është higjiena e gojës dhe përveç problemeve serioze si humbja e dhëmbëve e cila çon në erë të keqe të gojës, ka edhe probleme të tjera shëndetësore që mund ta shkaktojnë atë.
Sëmundja e mishrave të dhëmbëve
Nëse fryma juaj ka një erë metalike, mund të jeni duke grumbulluar baktere në mishrat e dhëmbëve, të cilat mund të çojnë në inflamacion dhe infeksion. Një dentist mund të zbulojë gjithashtu periodontitin – për të cilin jeni më të prirur nëse pini duhan dhe nuk përdorni fill dhëmbësh.
Acidi i stomakut
Të gjithë e dimë se sa e tmerrshme është të shtrihesh në shtrat ndërsa shqetësohesh nga acidi i stomakut. Kjo mund të konsiderohet si një fenomen i pakëndshëm sepse acidet në ezofag kthejnë copa ushqimi që mund të shkaktojnë erën e keqe të gojës.
Diabeti
Nëse vuani nga kjo gjendje, fryma juaj mund të ketë erën e frutave që mund të jetë një sinjal se trupi juaj po përdor yndyrën si “karburant” në vend të sheqerit. Kjo mund të nënkuptojë se ju mungon insulina, ndaj duhet të shihni mjekun tuaj.
Helikobakteri
Ky bakter lidhet me zhvillimin e kancerit dhe ulcerës së stomakut. Shpesh shkakton erën e keqe të gojës, e cila mund të zgjidhet nëse bakteret “vriten” nga antibiotikët.
Infeksionet e rrugëve të frymëmarrjes
Ftohjet, kolla dhe pezmatimi i sinuseve me ndihmën e mukusit krijojnë dhe dërgojnë baktere përmes hundës në zgavrën e gojës. Këto baktere mund të shkaktojnë erë të keqe e cila zakonisht zhduket së bashku me ftohjen e zakonshme.
Barna
Konsumimi i disa medikamenteve mund të shkaktojë tharje të gojës, e cila do të shkaktojë erë të keqe të gojës, ndërsa medikamente të tjera, si nitratet për sëmundjet e zemrës apo pilula gjumi, mund të çlirojnë kimikate që shkaktojnë erën e keqe të gojës. E njëjta gjë mund të ndodhë nëse merrni shumë vitamina.
Dehidratim
Rëndësia e hidratimit nuk mund të theksohet mjaftueshëm dhe era e keqe e gojës është ndoshta pasoja më e lehtë. Pa lëngje të mjaftueshme, goja jonë do të thahet dhe fryma jonë nuk do të jetë kurrë e freskët.
Mosfunksionim i veshkave
Ju mund të keni frymë me aromë “peshku” nëse veshkat tuaja nuk mund të pastrojnë ashtu siç duhet mbeturinat. Është më e zakonshme në fazat e fundit të mosfunksionimit të veshkave, e njohur si sëmundja renale e fazës së fundit (ESRD). Kur arrin këtë pikë, zakonisht trajtohet me dializë që ndihmon në filtrimin e gjakut ose përmes transplantit të veshkave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mjekët duartrokasin rezultatet e provës së ilaçit të ri të kancerit të mushkërive
-
Jimmy Kimmel zbulon se djali i tij i vogël iu nënshtrua një operacioni të tretë në zemër
-
Helmimet nga kanabisi tek të moshuarit janë trefishuar, zbulon studimi
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
Lajmet kryesore
-
Kryemadhi pranon se bojkoti e ka dëmtuar opozitën, kërkon kompaktësi
-
Përmirësohet gjendja e avokatit Sokol Mëngjesi, pesë ditë pas sulmit
-
Hunter Biden në gjyq, në rastin që republikanët planifikojnë ta përdorin si armë politike
-
Anëtarësimi në NATO çështje më urgjente për Kosovën – dhe për SHBA-në – sesa anëtarësimi në OKB apo BE, vlerëson raporti