Me ftesë të presidentit Aleksandër Ceferin, sot, në selinë e UEFA-së në Nyon, presidenti Agim Ademi zhvilloi një takim të rëndësishëm me të parin e futbollit evropian.
Takimi u mbajt në zyrën e presidentit Ceferin dhe u përqendrua në zhvillimin e futbollit në Kosovë dhe projektet e ardhshme.
Gjatë takimit, presidenti Ceferin shprehu interesimin e tij për futbollin në Kosovë dhe projekte të reja si dhe për raportet e FFK-së me institucionet e vendit.
Ai u informua në detaje nga presidenti Ademi rreth situatës aktuale në lidhje me edukimin e kuadrove, zhvillimin e futbollit dhe marrëdhënieve të FFK-së me institucionet e tjera.
Presidenti Ceferin gjithashtu shprehu interesimin e tij për t’u informuar edhe mbi rezultatet e ekipeve kombëtare të Kosovës, progresin e infrastrukturës së futbollit, si dhe për vërshimet e fundit në disa pjesë të Kosovës.
Në këtë takim, presidenti Ceferin shprehu edhe një herë mbështetjen e tij të plotë për FFK-në dhe presidentin Ademi, duke paralajmëruar njëherësh vizitën e tij në Kosovë.
Ai vuri në dukje rëndësinë e bashkëpunimit të ngushtë dhe të vazhdueshëm mes UEFA-së dhe FFK-së për të forcuar futbollin në Kosovë dhe për të ndihmuar në zhvillimin e tij të qëndrueshëm.
Nga ana e tij, presidenti Ademi ia prezantoi presidentit Ceferin të gjitha projektet dhe arritjet e fundit në futbollin kosovar, duke e falënderuar atë për mbështetjen e fortë që UEFA i ka dhënë gjatë gjithë kohës.
Ai shprehu mirënjohjen e tij për interesimin dhe përkrahjen e fuqishme të presidentit Ceferin, duke vlerësuar kontributin e tij në avancimin e futbollit në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE