Bypass-i i Vlorës do të jetë pjesërisht gati për fillimin e sezonit turistik, duke lehtësuar kështu qarkullimin drejt jugut të vendit – destinacion ky, ndër më të preferuarve të pushuesve shqiptarë dhe të huaj.
Pavarësisht se i papërfunduar tërësisht, një prej arterieve pritet të hapet. Ky segment do të lehtësojë një pjesë të trafikut, kryesisht në pjesën e Radhimës.
Së bashku me bypass-in e Fierit, ky i Vlorës është segmenti më kryesor i linjës rrugore jugore.
Synohet që data e hapjes së tij, të jetë 15 korriku. Kjo përkon edhe me fillimin e fluksit më të lartë të qarkullimit drejt qyteteve bregdetare jugore.
Këtë e ka garantuar ministrja e Infrastrukturës dhe Energjisë, Belinda Balluku, e cila ka inspektuar punimet. Sipas saj, kompania e kontraktuar për realizimin e projektit, ka hasur në vështirësi shumë të mëdha për ndërtimin e rrugës.
Pavarësisht këtyre probleme, afati i hapjes së pjesshëm do të respektohet. Kjo, duke respektuar të gjithë parametrat rrugore të sinjalistikës dhe sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel