Pronari i Chelsea-t, Roman Abramovich, është sanksionuar nga qeveria e Mbretërisë së Bashkuar si pjesë e përgjigjes së saj ndaj pushtimit rus të Ukrainës.
Ai është një nga shtatë oligarkët që do të goditet me sanksione të reja, duke përfshirë ngrirjen e aseteve dhe ndalimin e udhëtimit.
Lista përfshin gjithashtu miliarderët Igor Sechin dhe Oleg Deripaska, që të dy shihen si aleatë të presidentit të Rusisë, Vladimir Putin.
Kryeministri Boris Johnson tha se “nuk mund të ketë strehë të sigurt” për ata që kanë mbështetur pushtimin.
UK sanctions Russian oligarch Roman Abramovich, freezing his assets including English Premier League soccer club Chelsea https://t.co/pLtpLx0bIK
— CNN Breaking News (@cnnbrk) March 10, 2022
“Sanksionet e sotme janë hapi i fundit në mbështetjen e palëkundur të Mbretërisë së Bashkuar për popullin ukrainas. Ne do të jemi të pamëshirshëm në ndjekjen e atyre që mundësojnë vrasjen e civilëve, shkatërrimin e spitaleve dhe pushtimin e paligjshëm të aleatëve sovranë,” tha Boris Johnson.
Ndryshe, Abramovich para disa ditësh ka dhënë dorëheqje nga pozita e kryetarit të Chelsea-t, teksa më vonë kë lajmëruar shitjen e klubit.
Mirëpo, ai tani nuk është në gjendje të shesë klubin pasi qeveria e Mbretërisë së Bashkuar ngriu pasuritë e tij.
Pavarësisht se ka shumë interes, sanksionet tani nënkuptojnë se klubi londinez do të përballet me një të ardhme të pasigurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Pas gjashtë orësh, përfundon Konventa e Partisë së Lirisë
-
Realizuam procedurën e paraaplikimit në SEPA, thotë ministri Mete
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë
