Brexit ka çuar në një rënie prej 850 milionë paund në vlerën e eksporteve të industrisë së bukurisë në Mbretërinë e Bashkuar në BE.
Kështu ka rezultuar sipas një raporti nga një organizatë kryesore e parashikimit të ekonomisë.
Hulumtimi, i porositur nga Këshilli Britanik i Bukurisë, fajësoi vonesat doganore dhe rritjen e kostos së tregtisë ndërkufitare për vendosjen e një pengese në shitje.
Oxford Economics, që përgatiti raportin, krahasoi eksportet e produkteve të bukurisë në BE me ato në pjesën tjetër të botës.
Prej kësaj gjeti një rënie në bllokun e tregut të vetëm, ndërsa shitjet mbetën të qëndrueshme diku tjetër.
Bizneset e vogla që përbëjnë pjesën më të madhe të sektorit janë “dëmtuar në mënyrë disproporcionale” nga barrierat tregtare, thuhet në raport.
Kurse ulja e disponueshmërisë së punëtorëve të BE-së ka shkaktuar mungesë aftësish.
Po ashtu COVID-i ka prekur sektorin, por raporti, i sponsorizuar nga marka të tilla si L’Oréal dhe Space NK, identifikoi një divergjencë në performancën e eksporteve në BE dhe në pjesën tjetër të botës.
Eksportet në Mbretërinë e Bashkuar të kozmetikës dhe produkteve të tjera të kujdesit personal u rritën midis viteve 2010 dhe 2016, viti i votimit të Brexit, përkatësisht me 3.1% dhe 5.3%.
Megjithatë, eksportet në BE kanë qenë në rënie që atëherë.
Një sondazh nga Dhomat Britanike të Tregtisë, i publikuar në fillim të kësaj jave, zbuloi se 49% e eksportuesve në Mbretërinë e Bashkuar kanë luftuar për t’u përshtatur me ndryshimet e kërkuara për të vazhduar eksportin siç bënin më parë, përpara marrëveshjes tregtare MB-BE.
Eksportet vazhdojnë të dobësohen për shumë kompani pasi ekonomia globale mbetet nën presion, ka thënë grupi i lobit të biznesit, duke shtuar se eksportet e Mbretërisë së Bashkuar kanë qenë gjerësisht statike që nga pandemia.
Sipas raportit, përqindja e bizneseve që raportuan një rënie në shitje filloi të përkeqësohej në prag të Brexit dhe ka mbetur kokëfortë më e lartë që atëherë.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon nga Scholzi “mbështetje të palëkundur” për anëtarësimin e Kosovës në Këshillin e Evropës
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Knaus konsideron se draft-statuti aktual ‘shkel’ Kushtetutën e Kosovës dhe kapërcen ‘vijat e kuqe’ të SHBA-së
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” për anëtarësimin e Kosovës në Këshillin e Evropës