Ambasada e Meksikës ka refuzuar në mënyrë të pashpjegueshme vizat për peshëngritësit nga Shqipëria.
Në Meksikë do të zhvillohet Kampionati Botëror U-17 i peshëngritjes këto ditë.
Ambasada meksikane në Romë ka refuzuar t’i japë vizën shtangistit Ertjan Kofsha dhe trajnerit të tij Leonard Toska.
Arsyeja e refuzimit është se rroga e trajnerit nuk i përmbush shpenzimet për këtë aktivitet. Por, në fakt, shpenzimet në një aktivitet të tillë hiqen nga Federata Shqiptare e Peshëngritjes.
Vetëm pak kohë më parë, Kofsha mori pjesë në Kampionatin Botëror të peshëngritjes U-20 që u zhvillua në Kretë, Greqi.
17-vjeçari fitoi medaljen e bronzit, pasi ngriti 147 kg në stilin e shkëputjes.
Pengimi i pjesëmarrjes në Meksikë i heq një mundësi të mirë Shqipërisë për një tjetër medalje në arenën ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”