Borrell për sanksionet e SHBA-së: Shkatërrimi i grupeve kriminale kontribuon në siguri e stabilitet
Përfaqësuesi i Lartë i Bashkimit Evropian për Politikë të Jashtme dhe Çështje të Sigurisë, Josep Borrell, teksa ka mirëpritur sanksionimin e disa serbëve nga Kosova, të cilët, sipas Shteteve të Bashkuara të Amerikës janë pjesë e një grupi të krimit të organizuar, ka thënë se shkatërrimi i grupeve të tilla kontribuon në sigurinë dhe stabilitetin e rajonit.
Kështu është shprehur ai përmes një postimi në llogarinë e tij në Twitter, teksa shtoi se BE-ja mbetet e përkushtuar në ndjekjen e objektivave të përbashkëta.
“Ky përcaktim nga SHBA-të është një hap i rëndësishëm në luftimin e krimit të organizuar në Ballkanin Perëndimor. Shpërbërja e rrjeteve kriminale transnacionale i kontribuon sigurisë stabilitetit, dhe përmison sundimin e ligjit në tërë rajonin”.
“Bashkimi Evropian është plotësisht i angazhuar në ndjekjen e këtij objektivi të përbashkët”, ka shkruar Borrell.
The designation by the U.S. is an important step in fighting organised crime in the #WesternBalkans
Dismantling transnational criminal networks contributes to security, stability &improves rule of law in the entire region. The EU is fully engaged in pursuing this common objective https://t.co/VJkUpxkqzr— Josep Borrell Fontelles (@JosepBorrellF) December 9, 2021
Në njoftimin e Departamentit Amerikan i Thesarit për Kontrollin e Pasurive të Huaja thuhet se Zvonko Veselinoviç si lider i Grupit të Organizuar Kriminal, është një nga figurat më të korruptuara dhe famëkeqe të Kosovës.
“Veselinoviç është e përfshirë në skemë të gjerë të ryshfetit me zyrtarë kosovarë dhe serbë të sigurisë të cilët e lehtësojnë trafikimin e paligjshëm të mallrave, parave, narkotikëve dhe armëve mes Kosovës dhe Serbisë”, thuhet në njoftimin e Departamentit.
Përveç tij në listë janë edhe i vëllai Zharko Veselinoviç, pastaj Zhelko Bojiç, Milan Mihajloviç, Sinisha Nedeljkoviç, Radovan Radiç, Milan Radisavleviç, Milojko Radisavleviç, Milan Radojçiç, Marko Rosiç, Radule Steviç, Milivoje Vuloviç.
Grupi akuzohet pos tjerash për marrëveshje me politikanët për të ndihmuar fitoren e tyre në zgjedhje dhe mbështetjen financiare për ta.
Në këmbim, politikanët do t’u jepnin vëllezërve kontratat më të mira të infrastrukturës dhe kontrollin e zonave të caktuara për bizneset e tyre.
“Veselinoviç dhe grupi i tij u paditën për përfshirjen e tyre të dyshuar në vrasjen e liderit politikë serb në Kosovë, Oliver Ivanoviç në janar të vitit 2018. Veselinovic dhe anëtarët e tjerë të tjerë të grupit, Milan Rajko Radojçiç, Zeljko Bojiç dhe Marko Rosiç, të gjithë u përmendën në aktakuzë për vrasjen, secili duke shërbyer rolin e tij në atentatin për ndërmarrjen kriminale”, vazhdon njoftimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Trupat amerikane nisin ndërtimin e skelës detare në Gaza, ndërsa pyetjet mbeten mbi shpërndarjen
-
Kolegji në Kaliforni anulon ceremoninë e diplomimit, mes protestave për luftën e Izraelit në Gaza
-
ByteDance: TikTok më mirë mbyllet, se sa shet aksionet në SHBA
-
Në tre muaj 1.5 milionë turistë vizituan Shqipërinë, 43,4% më shumë se vitin e kaluar