Boris Johnson kërkon falje për rastin e ministres izraelite – “Të jetë mësim për ne”

Kryeministri i Mbretërisë së Bashkuar, Boris Johnson i ka kërkuar falje ministres izraelite e cila nuk ishte në gjendje të hynte në samitin e Kombeve të Bashkuara për Ndryshimet Klimatike (COP26) me karrocën e saj

Karine Elharrar u detyrua të kthehej në hotelin e saj 50 milje larg të hënën pasi priti jashtë samitit për më shumë se dy orë.

Kryeministri Johnson i tha asaj se i erdhi keq për “konfuzionin” e shkaktuar, kur ministri i energjisë iu bashkua takimit me të dhe kryeministrin e Izraelit, Naftali Bennett.

Bennett falënderoi homologun e tij britanik për “ndërhyrjen e tij të shpejtë në këtë incident fatkeq”.

Dhe ai e quajti atë një “mundësi mësimi për të gjithë ne në rëndësinë e aksesit për të gjithë”, një deklaratë e mbështetur nga zoti Johnson, transmeton BBC.

Ndërkaq ministrja izraelite Karine Elhararar nuk mundi të merrte pjesë në samitin e Kombeve të Bashkuara për Ndryshimet Klimatike, që po mbahet në Glasgow të Skocisë, pasi e kishte të pamundur të ngjitej me karrigen me rrota.

Karine Elhararar, përmes një cicërime në Twitter, shprehu keqardhjen e saj të thellë sesi OKB-ja nuk i ka siguruar qasje, duke pasur parasysh gjendjen e saj fizike.

“Është për të ardhur se si OKB-ja, që promovon qasje për persona me aftësi të kufizuara, në vitin 2021, nuk siguron mundësi të tillë. Me shpresë që mësimet e sodit të prodhojnë promovimin e nesërm për energji të gjelbra”, shkroi ajo.

אל COP26 הגעתי כדי להפגש עם מקביליי בעולם ולקדם מאבק משותף במשבר האקלים. עצוב שהאו״ם המקדם נגישות לאנשים עם מוגבלויות, בשנת 2021, לא דואג לנגישות באירועיו.
מקווה שיופקו הלקחים הנדרשים כדי שמחר קידום אנרגיות ירוקות, הסרת חסמים והתייעלות באנרגיה יהיו הדברים שאתעסק בהם.

— קארין אלהרר 🟠 Karine Elharrar (@KElharrar) November 1, 2021

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.