Temperaturat e ulëta, dëbora, shiu dhe vranësirat kanë goditur të gjithë vendin. Në qytetin e Elbasanit ditën e sotme, më 13 shkurt, temperatura ishin të ulëta.
Për shkak të përkeqësimit të motit akset rrugore kanë qenë të kalueshme, por prania e akullit dhe ngricat kanë paraqitur rrezikshmëri për shkak të reshjeve të dendura dhe dëborës së rënë.
Burime për Albanian Post konfirmojnë se në akset Elbasan-Librazhd, Elbasan-Peqin, si dhe në autostradën Tiranë-Elbasan nuk është hedhur kripë deri në orët e para të pasdites të ditës së shtunë.
Pas përkeqësimit të motit, Autoriteti Rrugor Shqiptar (ARRSH), kërkon vëmendjen e të gjithë drejtuesve të mjeteve, që të lëvizin vetëm me goma dimri ose zinxhirë. ARRSH njofton se bllokimi i automjeteve në rrugë po bëhet pengesë për borëpastrueset, kripëhedhëset dhe mjetet e tjera që po punojnë në rrugë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com