Bislimi për planin e rritjes të Ballkanit Perëndimor: Mbesim të përkushtuar për përmbushjen e reformave
![](https://albanianpost.com/wp-content/uploads/2023/11/besnik-bislimi.jpg)
Zëvendëskryeministri i Kosovës, Besnik Bislimi, në një takim të premten në Bruksel me përfaqësuesit e Komisionit Evropian, ka diskutuar për reformat që Qeveria e Kosovës do t’i ndërmarrë në kuadër të agjendës së saj.
Ai në këtë takim ka theksuar nevojën e këtyre reformave duke i quajtur si “shtylla prioritare”.
“Këto reforma do të jenë pjesë e disa shtyllave prioritare duke përfshirë administratën publike, zhvillimin e sektorit privat dhe përmirësimin e mjedisit të biznesit, energjinë dhe tranzicionin e gjelbër, kapitalin njerëzor dhe sundimin e ligjit”.
![](https://albanianpost.com/wp-content/uploads/2023/11/96121700860137-e1700861027417-1130x635-1.jpg)
“Qeveria e Kosovës mbetet e përkushtuar që të ndërmarrë veprimet e nevojshme në përmbushjen e këtyre reformave, me qëllim të përfitimit maksimal nga ky plan”, thuhet në një komunikatë për media.
Plani i Rritjes për Ballkanin Perëndimor, kap vlerën prej 6 miliardë eurove në formë të granteve dhe kredive për të gjitha shtetet e Ballkanit.
Ky plan bazohet në katër shtylla kryesore: rritjen e integrimit ekonomik me Tregun e Bashkimit Evropian, rritjen e integrimit ekonomik brenda Ballkanit Perëndimor nëpërmjet Tregut të Përbashkët Rajonal, përshpejtimin e reformave themelore dhe rritjen e ndihmës financiare
Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia do të përfitojnë nga një plan i ri rritjeje prej 6 miliardë eurosh për Ballkanin Perëndimor.
Plani do t’i sjellë rajonit disa nga përfitimet e anëtarësimit në Bashkimin Evropian përpara anëtarësimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçeviçi pritet ta takojë Lajçakun në Athinë
-
Gërvalla: Hapja e Urës së Ibrit të trajtohet me seriozitet, s’duhet ta rrezikojmë territorin tonë
-
Anulimi i listës së çmimeve të barnave, “lojë e ndytë e Qeverisë” dhe “fitore për qytetarët”
-
Osmani takon presidentin e Kenias, por njohja nuk është akoma gati
Lajmet kryesore
-
Berisha humb gjyqin në Londër, mbetet non grata në Britani
-
Rrumbullaku urdhëron thellimin e procesit të verifikimit të integritetit të punonjësve të Policisë
-
NATO në bisedime për të vendosur më shumë armë bërthamore, thotë Stoltenberg
-
Osmani takon presidentin e Kenias, por njohja nuk është akoma gati