Biden i thekson Netanyahu-t nevojën për të rritur ‘menjëherë dhe në mënyrë të konsiderueshme’ fluksin e ndihmave humanitare në Gaza

Presidenti i SHBA-ve, Joe Biden foli me kryeministrin izraelit Benjamin Netanyahu të dielën.

“Presidenti përsëriti se Izraeli ka çdo të drejtë dhe përgjegjësi për të mbrojtur qytetarët e tij nga terrorizmi dhe nënvizoi nevojën për ta bërë këtë në një mënyrë në përputhje me të drejtën ndërkombëtare humanitare që i jep përparësi mbrojtjes së civilëve”, tha Shtëpia e Bardhë në një deklaratë.

Të dy diskutuan përpjekjet për lirimin e pengjeve duke përfshirë shtetas amerikanë, disa prej të cilëve mbeten të pagjetur.

“Presidenti nënvizoi nevojën për të rritur menjëherë dhe në mënyrë të konsiderueshme fluksin e ndihmës humanitare për të përmbushur nevojat e civilëve në Gaza. Presidenti dhe Kryeministri ranë dakord të qëndrojnë në konsultime të rregullta si drejtpërdrejt ashtu edhe përmes ekipeve të tyre përkatëse të sigurisë kombëtare”, shton deklarata.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.