Gazetari nga Kosova, Arlind Sadiku është përjashtuar nga UEFA për pjesën e mbetur të Kampionatit Evropian, Euro 2024, pasi bëri simbolin e shqiponjës me duar përpara mbështetësve të Serbisë në ndeshjen e tyre ndaj Anglisë.
Sadiku, i akredituar për ndeshjet e Euro 2024, ishte në transmetim të drejtpërdrejtë në momentin kur mbështetësit e Serbisë po brohorisnin kundër Kosovës dhe në një moment ai u drejtua nga ata duke bërë shqiponjën me duar.
Kaq mjaftoi që Federata e Futbollit të Serbisë të denonconte në UEFA Sadikun, e cila më pas vendosi për pezullimin e gazetarit, duke e cilësuar gjestin e tij si “provokim” dhe “nxitje dhune”.
Sadiku foli për gjestin e tij pas ndeshjes Serbi – Angli dhe u shpreh se ndihej krenar për atë veprim dhe se ai erdhi si pasojë e thirrjeve anti-shqiptare të serbëve.
“Ta theksoj që në pozicionin tim ku isha dje në stadium, kemi qenë të vendosur nga UEFA. Reagimi erdhi natyrisht nga thirrjet e vazhdueshme raciste të serbëve ‘Kosova është Serbi’ dhe të jesh aty dy metra larg nuk ke sesi të mos ndikohesh”, tha Sadiku për “Klan Kosova”.
“Asnjëherë nuk i bie pishman çkado që ndodh sepse unë jam krenar që jam shqiptar. Duhet të ndodhë diçka që të ndalen këto thirrje raciste”, vijoi ai.
Sadiku e quajti gjestin si “një nga më të mirët që e ka bërë ndonjëherë në sport”.
“E kam bërë nën afekt megjithatë nuk pendohem dhe gjithmonë do ta kujtojë si një nga gjestet më të mira që e kam bërë ndonjëherë në sport. Këto janë fjalët të zemrës që po i them”.
“Ejani provojeni të jeni në mes të 20 mijë serbëve dhe tentoni të ndiheni të paprovokuar nga ato thirrje”, përfundoi Sadiku.
Megjithatë, ai gjest i kushtoi shumë Sadikut, i cili tashmë duhet t’i ndjekë ndeshjet e mbetura të Euro 2024-ës jashtë stadiumeve.
Përsa i përketë një dënimi të mundshëm për mbështetësit e Serbisë për shkak të shpalosjes së një banderole me hartën e Kosovës nën flamurin serb, apo thirrjeve “Kosova është Serbi”, UEFA ende nuk ka nxjerrë një njoftim, pavarësisht se fillimisht ka pohuar se ka ndërmarrë një hetim.
FFK-ja ankohet në UEFA për thirrjet nacionaliste të tifozëve të Serbisë
Thirrjet shoviniste dhe raciste kundër Kosovës, UEFA nis procedura disiplinore kundër tifozëve serbë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjeorgjia shtang Portugalinë dhe rrëmben kualifikimin, Turqia ia del përballë Çekisë
-
Rumania, Belgjika dhe Sllovakia kalojnë në raundin e 16-të të Euro 2024
-
Phil Foden largohet nga kampi i Anglisë në Euro 2024
-
Falënderimi i munguar për Alban Jahon – Plisat me zemrën kuqezi, si ideja e tij për Kombëtaren në Evropian
Lajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Grusht shteti në Bolivi, presidenti i kërkon qytetarëve të dalin rrugëve dhe ta mbrojnë
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Ndalohet edhe një person për spiunazh nga rajoni i Mitrovicës
