Presidenti i Republikës, Bajram Begaj, gjatë vizitës së tij zyrtare në Azerbajxhan, ka takuar edhe homologun e tij, Ilham Aliyev, me të cilin ka folur për një seri çështjesh, ku më e rëndësishmja mbetet ajo e sektorit energjetik në Shqipëri dhe njëkohësisht gjithë Ballkanin Perëndimor.
Përmes një postimi në median sociale Twitter, Begaj ka shpërndarë disa çaste nga takimi, duke theksuar se fryma e bashkëpunimit mes dy vendeve do të vijojë përpara.
“Bisedat tona u përqendruan tek problemet energjetike dhe te Ballkani Perëndimor”, thekson kreu i shtetit në mesazhin e tij.
I had the pleasure of meeting the President of Azerbaijan, Ilham Aliyev.
Our talks focused on energy issues and the Western Balkans.The spirit of cooperation and understanding will carry forward the relationship between our two countries.
🇦🇱🤝🇦🇿 pic.twitter.com/9OnDjLrdU0
— Bajram Begaj (@BajramBegajAL) March 12, 2023
Nga ana tjetër, Aliyev ka përmendur se vendimet për të forcuar bashkëpunimin kanë qenë tepër të frytshme dhe kjo gjë po dëshmohet edhe në Forumin e 10-ë Global të Baku-t, i cili po zhvillohet këtë fundjavë në kryeqytetin azer.
Sipas Aliyev, në kohët e sotme, ku Evropa është kapluar nga lufta në Ukrainë, çështja e gazit është me shumë rëndësi dhe Shqipëria e ka një potencial për të qenë shtet kryesor për përballimin e krizës, parë edhe projektin TAP, i cili transporton gazin azer në Evropë, përmes territorit shqiptar.
“Jemi shumë me fat që ju keni marrë një përkushtim të tillë dhe se me kalimin e kohës e kemi fituar këtë miqësi mes vendeve”, nënvizoi Aliyev në fjalën e tij.
Si mund ta shpëtojë Azerbajxhani Ballkanin nga ndikimi energjetik rus
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve