BE mund të vendos që t’ua njoh pasaportat ilegale serbëve të Kosovës – “të kenë mundësi të udhëtojnë të gjithë”
Komisioni Evropian ka propozuar heqjen e vizave për qytetarët serbë të Kosovës, pasaportat e të cilëve lëshohen nga Drejtoria Koordinuese e Ministrisë së Punëve të Brendshme të Republikës së Serbisë.
Kur Serbisë Bashkimi Evropian ia liberalizoi vizat, BE nuk pranoi që pa viza të udhëtonin edhe serbët e Kosovës që refuzonin pasaportën e Kosovës dhe merrnin pasaporta të Serbisë.
Serbia i lëshon ato pasaporta për qytetarët e Kosovës akoma me qytete të Kosovës të cilat i prezanton si qytetet të Serbisë. Njëjtë si me targat ilegale ku vendosen emra qytetesh të Kosovës, ashtu edhe me pasaporta.
Për këtë arsye BE vendosi që të mos i liberalizoi vizat edhe për këto pasaporta, por tani Komisioni Evropian i propozoi Parlamentit Evropian që Rregulloren e BE-së 2018/1806 në mënyrë që poseduesit e pasaportave serbe nga Kosova, të lëshuara nga Drejtoria Koordinuese e Ministrisë së Punëve të Brendshme të Serbisë, të lirohen nga kërkesa për të pasur vizë kur kalojnë kufirin drejt shteteve të Zonës Schengen.
Duke qenë se liberalizimi i vizave për qytetarët e Kosovës hyn në fuqi më 1 janar 2024, Komisioni Evropian konsideron se “arsyet për përjashtimin e poseduesve të pasaportave serbe të lëshuara nga Drejtoria Koordinuese e MPB-së së Serbisë nuk ekzistojnë më, gjegjësisht se të gjithë qytetarët të rajonit të Ballkanit Perëndimor duhet të ketë përfitime nga udhëtimi pa viza”.
Për diçka të tillë kishte folur edhe Presidenti i Serbisë, Aleksandër Vuçiç, në prill të këtij viti.
Ai duke komentuar liberalizimin e vizave për qytetarët e Kosovës, pati thënë se beson se deri në Vitin e Ri “do të zgjidhet problemi i serbëve nga Kosova që nuk duan të marrin pasaportën e Prishtinës”.
Nuk është e qartë se si do të akomodojë Bashkimi Evropian këto pasaporta që prezantojnë Kosovën si pjesë të Serbisë, kur BE supozohet të ketë qëndrim neutral ndaj statusit të Kosovës.
Nëse shtetet e BE-së do të pranon pasaporta ku prezantohet Prishtina, Mitrovica e qytete të tjera si qytetet të Serbisë, atëherë do të dilte jashtë qëndrimit të vet zyrtar neutral.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”