Bashkimi Evropian pritet të fillojë procesin për të lejuar rrjedhjen e lirë të të dhënave nga blloku 27 vendesh drejt Koresë së Jugut. Kjo, pas përfundimit të bisedimeve për të mbyllur çështje të mundshme dhe për të trajtuar masa mbrojtëse shtesë, tha Komisioni Evropian të martën e 30 marsit.
Vendime të tilla të mjaftueshmërisë do t’i lejonin bizneset të transferonin të dhëna nga detajet bankare në të dhënat e përpunimit të listës së pagave dhe të kujdesit shëndetësor. Gjithashtu, dhe lejimin e bashkëpunimit me policinë.
Diskutimi tregoi një nivel të ngjashëm të lartë të mbrojtjes së të dhënave personale nga të dyja palët, tha ekzekutivi i BE-së. Kjo, pas një thirrjeje midis Komisionerit të Drejtësisë të BE-së Didier Reynders dhe kreut të Komisionit të Mbrojtjes së Informacionit Personal të Koresë së Jugut, Yoon Jong In.
“Komisioni Evropian tani do të vazhdojë me fillimin e procedurës së vendimmarrjes. Kjo, me qëllim që vendimi i përshtatshmërisë të miratohet sa më shpejt që të jetë e mundur në muajt e ardhshëm,” tha ekzekutivi i BE-së në një deklaratë.
Projektvendimi do të ketë nevojë për reagime nga vëzhguesi i të dhënave të BE-së, Bordi Evropian për Mbrojtjen e të Dhënave dhe miratim nga 27 vendet e BE-së përpara se të hyjë në fuqi.
Shqetësimet e BE-së në lidhje me transferimin e të dhënave janë rritur që nga zbulimet e ish-kontraktorit të inteligjencës amerikane Edward Snowden në 2013 për mbikëqyrjen masive të SHBA. Shqetësime të tilla kanë rezultuar në gjykatën e lartë të Evropës me refuzimin e dy marrëveshjeve transatlantike të transferimit të të dhënave në vitet e fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
