Basketbollistja e Kombëtares së Kosovës, Astera Tuhina, ka hedhur hapin e madh në karrirë. 17-vjeçarja ka kaluar në SHBA, te ekipi i Washingon State Cougars-it.
Tuhina do të luajë tashmë në NCAA Division 1, duke filluar nga edicioni i ardhshëm. Deri në fund të sezonit, do të vijojë aktivizimin me Deportivo Promete-n.
Trajnera e Washingston State, Kamie Ethridge është shprehur shumë e lumtur për nënshkrimin me basketbollisten e Kosovës, duke e lavdëruar atë dhe duke shtuar se do të jetë pjesë e rëndësishme për edicionin e ardhshëm.
“Ajo ka pasion, këmbëngulje, ashpërsi dhe një përpjekje të pamëshirshme për të bërë gjithçka që duhet që ekipi i saj të ketë sukses”, tha Ethridge.
“Ajo mund të gjuajë për tre pikë dhe ajo është shumë kreative në lëvizjet e saj drejt koshit. Energjia me të cilën luan Astera është ngjitëse dhe tifozët tanë do ta pëlqejnë sa fort luan”.
“Jemi të emocionuar që kemi fituar besimin e Asterës dhe familjes së saj. Ajo do të jetë një shtesë e shkëlqyer për familjen tonë”, shtoi trajneria.
Tuhina është aktivizuar me të gjitha grupmoshat e Kombëtares së Kosovës. Ajo ka debutuar edhe në FIBA Kampionatin Evropian për Shtetet e Vogla në Qipro. Pra, debutim me Kombëtaren A në këtë kompeticion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”