Kampioni në fuqi i Superligës së Kosovës në basketboll, Golden Eagle Ylli, e ka mposhtur në udhëtim Sigal Prishtinën me rezultat 68:86, në ndeshjen e javës së nëntë të Prince Caffe Superligës.
Kjo ishte fitorja e pestë radhazi për kampionët e Kosovës.
Çereku i parë ishte kryesisht i barabartë, ku asnjëra skuadër nuk arrinte shkëputjen e madhe, ndërsa përfundoi me epërsi prej tre pikësh nga mysafirët, 11:14.
Por, periudha e dytë u takoi prishtinasve. Bardhekaltrit me një seri të suksesshme krijuan epërsi prej 31:21, ndërsa më e larta ishte 40:29, kurse skuadrat shkuan në pushim me rezultat 40:31.
Por, periudhën e tretë e nisën furishëm kampionët e Kosovës, ku ngushtuar shifrat minimalisht në 42:41 dhe më pas zhvillohet një ndeshje interesante, ndërsa therandasit e kthyen epërsinë në të mirë të tyre, kurse shifrat në semafor pas 30 minutash ishin 50:57.
Therandasit edhe më shumë ngritën epërsinë në dhjetë minutat e fundit, 62:74 dhe 65:77, e më pas triumfuan me rezultat 68:86.
Më i dalluari te vendasit ishte Rrezart Memedi me 18 pikë, ndërsa te mysafirët, Valon Bunjaku me 21 pikë.
Të dy skuadrat kanë nga pesë fitore e katër humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Emerging Europe: Përpos sfidave, ekonomia e Shqipërisë zë një vend të mirë
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetikë ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Kurti thotë se “s’ka faj” nëse dështon Kosova