Shefi i Misionit të Bashkimit Evropian (BE) për Sundim të Ligjit në Kosovë (EULEX), Giovanni Pietro Barbano, ka njoftuar nëpërmjet një postimi në platformën “X” se të dielën, së bashku me ambasadorin e Mbretërisë së Bashkuar në Prishtinë, Nicholas Abbott, ka takuar Igumenin e Manastirit të Deçanit, Sava Janjiç.
“Takimi pozitiv me Abbott dhe Sava në Manastirin e mrekullueshëm të Deçanit. Në këto kohë sfiduese, është thelbësore të vazhdohet të forcohet siguria e të gjitha komuniteteve në Kosovë, ku udhëheqësit fetarë mund të luajnë një rol vendimtar në nxitjen e mesazheve dhe marrëdhënieve paqësore ndër-komunale”, ka shkruar Barbano.
Vizita e përbashkët e Barbanos dhe Abbottit vjen në një kohë kur tensionet mes Kosovës dhe Serbisë janë ngritur tej mase pas sulmit terrorist të 24 shtatorit në fshatin Banjë të Zveçanit – komunë e banuar me shumicë serbe – në pjesën veriore të Kosovës. Po ashtu, institucionet kosovare të sigurisë kanë konfiskuar një numër armësh në Manastirin e Banjës.
Ndryshe, nga koha kur Gjykata Kushtetuese e Kosovës ka marrë vendim në favor të Manastirit të Deçanit, bashkësia e organizuar ndërkombëtare ka bërë vazhdimisht thirrje për zbatimin e tij, duke kërkuar që Manastirit të Deçanit t’i lejohet regjistrimi në kadastër edhe 24 hektarë tokë dhe pyje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Shkërmoqen konservatorët në zgjedhjet vendore britanike, rezultojnë forcë e tretë
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Shqipëria e dyta në botë për azilantët nën 18 vjeç në raport me popullatën, tregon Eurostat
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste