Autoritetet në Moskë dhe zonën përreth thonë se kanë shpallur një gjendje të jashtëzakonshme kundër terrorizmit në sfondin e kryengritjes së armatosur nga udhëheqësi mercenar rus Yevgeny Prigozhin.
“Për të parandaluar sulmet e mundshme terroriste në qytet dhe në rajonin e Moskës, është krijuar një regjim i operacioneve kundër terrorizmit”, tha Komiteti Kombëtar i Antiterrorizmit i Rusisë.
Lajmi u bë i ditur nga agjencia investigative “Meduza”.
Në Moskë janë forcuar masat e sigurisë. Rajoni Voronezh në Rusinë jugperëndimore, i cili kufizohet me Ukrainën, e shpalli gjithashtu këtë lloj gjendje të jashtëzakonshme.
Gjendja e jashtëzakonshme kundër terrorizmit u lejon autoriteteve ruse të rrisin kontrollet dhe të lehtësojnë arrestimin e qytetarëve të tyre.
Kryebashkiaku i Moskës Sergej Sobyanin konfirmoi se protokollet kundër terrorizmit po zbatohen në Moskë dhe rajonin përreth.
Sobyanin falënderoi banorët dhe vizitorët për “mirëkuptimin” e tyre dhe për “një qëndrim të qetë ndaj asaj që po ndodh”.
Masat kundër terrorizmit që po zbatohen në Moskë u japin autoriteteve shumë kompetenca shtesë. Ja çfarë mund të bëjnë:
Ndalimi i civilëve në rrugë dhe t’iu kërkojnë atyre të paraqesin një letërnjoftim, duke i ndaluar nëse nuk kanë letërnjoftim me vete.
Largimi me forcë i njerëzve dhe automjeteve nga një vend.
Kontrolli i bisedave telefonike dhe leximi i mesazheve private pa urdhër gjykate.
Përdorimi i çdo automjeti në dispozicion për ndihmën e parë dhe për ndjekjen e një të dyshuari.
Mbyllja përkohësisht e objekteve industriale që prodhojnë eksplozivë, kimikate ose materiale radioaktive.
Mbyllja e komunikimeve, duke përfshirë shërbimin telefonik dhe internetin.
Kufizimet e aksesit të publikut në rrugë dhe shitjes së alkoolit.
Anëtarët e forcave të rendit fitojnë të drejtën për të hyrë në çdo hapësirë, publike apo private, pa një urdhër paraprak gjykate.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Në prag të zgjedhjeve: Cilat janë grupimet evropiane
-
Të paktën 2 të vdekur në Odessa nga një raketë ruse, goditet edhe kështjella
-
Guerot: Kosova nëse do t’i rrisë gjasat për anëtarësim në KiE ta dërgojë Asociacionin në Kushtetuese
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës