Australi/ Energjia diellore tejkalon atë elektrike me qymyr për të parën herë

Të dielën e 22 gushtit, tregu i energjisë elektrike në Australi shënoi një arritje të re, me energjinë diellore që tejkalon prodhimin e energjisë nga qymyri për herë të parë që kur u krijua tregu dy dekada më parë.

Agjencia e lajmeve, “The Guardian”, tregon se kjo zgjati vetëm disa minuta, pasi kërkesa e ulët dhe qielli me diell bënë që kontributi nga qymyri të binte në një rekord të ulët prej 9 mijë e 315 MW vetëm pas mesditës, ndërsa energjia diellore siguroi pjesën dominuese me 9 mijë e 427 MW.

Një studiues në kolegjin e klimës dhe energjisë të Universitetit të Melburnit, Dylan McConnell, ka thënë se për një moment të shkurtër, energjia e rinovueshme përfaqësonte 57 për qind të prodhimit kombëtar të energjisë elektrike.

“Kjo është ajo që unë jo-zyrtarisht e quaj sezon rekord”, ka treguar McConnell. “Është në fakt ende shumë herët për të marrë këto shifra në sezon, por në pranverë ose në stinët e shpatullave gjendet kombinimi i kërkesës së ulët sepse nuk ka ngrohje ose ftohje, gjithashtu mot të mirë në fundjavë”.

Ai ka vijuar duke thënë se “ata faktorë kombinohen derisa arrihen këto aksione gjigante të energjisë së rinovueshme që në përgjithësi nxjerrin jashtë qymyrin”.

Megjithatë, McConnell ka theksuar se kjo situatë ishte vetëm “kalimtare” dhe se “Australia kishte një rrugë të gjatë për te kulmi i energjisë së rinovueshme”.

Lidhur me çmimet e energjisë, ato u kthyen në negative të dielën që nga ora 8:30 e mëngjesit deri në 17:00 pasdite.

Mirëpo, çmimi i saktë ndryshonte sipas juridiksionit, çka do të thotë se prodhuesit e energjisë paguheshin për të konsumuar ose për të vazhduar punën.

“The Guardian” shkruan se ndryshe nga prodhuesit më të shkathët diellorë dhe të erës, prodhuesit e qymyrit dëmtohen veçanërisht kur çmimet bëhen negative. Kostot e lidhura me mbylljen dhe rifillimin e prodhuesve të qymyrit janë të larta. Kjo i çon operatorët drejt zgjedhjes për të vazhduar funksionimin edhe me humbje.

Sipas regjistrit NEMlog, Australia e Jugut kishte plotësuar 100 për qind të nevojave të saj për energji nga era dhe dielli ndërsa Victoria do të kishte plotësuar 102 për qind të kërkesës shtetërore nëse operatorët nuk do të detyroheshin të pezulloheshin gjatë periudhës së çmimeve negative.

Simon Holmes à Court, analist i energjisë, ka sqaruar se proporcioni i përgjithshëm i energjisë së rinovueshme – nga dielli, era dhe hidro – do të kishte qenë më i lartë në përzierjen e energjisë, por prodhuesit e erës zgjodhën të mbyllen për të shmangur goditjen e çmimit.

“Kishte një sasi të konsiderueshme të kufizimeve”, ka thënë ai. “Tashmë ka më shumë energji të rinovueshme që mund të kishte hyrë në rrjet nëse fabrikat e qymyrit do të ishin më fleksibël dhe transmetimi do të përmirësohej”.

Ky zhvillim përkon me thirrjet e Grupit të Investitorëve të Energjisë së Pastër (CEIG), i cili është një organ prej 18 anëtarësh që mbron investitorët në projekte të energjisë së rinovueshme në shkallë të gjerë, mbi reformat financiare për të “përafruar Australinë me tregjet ndërkombëtare” dhe “zhbllokuar” investimet e reja.

Modelimi i kryer për grupin nga Rennie Partners zbuloi se Australia ka nevojë për 51 GW të energjisë së rinovueshme deri në vitin 2042. Kjo nëse do të përmbushë angazhimet e saj sipas marrëveshjes së ndryshimit të klimës në Paris.

Shefi ekzekutiv i CEIG, Simon Corbell, ka dalluar se qeveritë dhe rregullatorët duhet të sjellin udhëzimet e investimeve të Australisë në përputhje me tregjet globale.

“Investitorët e energjisë së pastër aktualisht përballen me rreziqe të konsiderueshme në NEM, e cila po mban kapitalin e nevojshëm”, ka treguar Corbell.

Ai ka vijuar se “për të zhbllokuar një tubacion investimesh me vlerë 70 miliardë dollarë, ne kemi nevojë për reforma efektive të tregut dhe siguri të politikave, të cilat gjithashtu mund të kursejnë deri në 7 miliardë dollarë në kostot kapitale ose deri në 10 për qind të kostos së tranzicionit të energjisë së pastër të Australisë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.