Arsenal të “çmendur” pas Armando Brojës

Arsenal është shprehur shumë e interesuar për shërbimet e sulmuesit të kombëtares kuqezi, Armando Broja.

Paraqitjet shumë të mira të Brojës për Southampton, e kanë bërë atë tani një synim për pothuajse të gjitha skuadrat në ishull – dhe jo vetëm.

E fundit që ka shfaqur interes serioz për të është Arsenal.

Skuadra e drejtuar nga Mikel Arteta, ka kthyer sytë nga academia e rivalëve të qytetit, Chelsea, për të gjetur një zgjidhje që tashmë e shumë kohë po mungon në sulm.

Topçinjtë e humbën Aubameyang-in në merkaton e janarit, dhe tani kanë mbetur në sulm me vetëm Alexander Lacazette si zgjidhje për ta.

Arteta nuk është i kënaqur me këtë gjë, dhe kërkon që me ngulm të përforcojë sulmin gjatë verës.

Emri i parë i përmendur, është pikërisht Armando Broja.

Mirëpo, Broja nuk do të jetë fare kafshatë e lehtë për londinezët, madje mund të jetë edhe e pamundur.

Në deklaratat për shtyp pas ndeshjeve, Thomas Tuchel, trajneri aktual i kampionë të sapo shpallur të botës, Chelsea-s, ka thënë që është i impresionuar nga paraqitjet e sulmuesit kuqezi.

Këto fjalë lënë të kuptohet që Tuchel e dëshiron Broja-n në shërbimet e tij që nga sezoni i ardhshëm.

Mirëpo, Southampton poashtu po kërkon me ngulm që të mbajë shërbimet e tij edhe për shumë kohë – me skuadra si West Ham dhe Newcastle United që poashtu janë shumë të interesuara.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.