Lufta për titull në Premier Leauge tani është më hapur, pasi që Arsenal-i ka ngecur në udhëtim te West Ham United-i, duke barazuar me rezultat 2:2 në ndeshjen e vlefshme të javës së 31-të në elitën e futbollit anglez.
Arsenal-i e nisi shumë mirë këtë takim, teksa në 10 minutat e para e krijuan një epërsi prej dy golash.
Me një aksion të bukur, Gabriel Jesus shënoi për skuadrën e Mikel Arteta-s, pas asistimit të mbrojtësit, Ben White.
Nuk vonoi shumë dhe Arsenal-i e shënoi edhe golin e dytë pas tre minutash, kur Martin Odegaard realizoi pas harkimit të Gabriel Martinelli-t.
Në minutën e 33-të, West Ham-i i ngushtoi shifrat, kur Mohamed Said Benrahma realizoi nga pika e bardhë e penalltisë.
Pjesa e parë përfundoi me shifrat 1:2, teksa shtatë minuta pas fillimit të fraksionit të dytë, mysafirët e patën mundësinë ta shënojnë edhe golin e tretë, por Bukayo Saka nuk u tregua i saktë nga penalltia.
Dhe, kur nuk shënon e pëson. Pas vetëm tre minutash nga ky rast, vendasit arritën ta barazojnë rezultatin me golin e shënuar nga Jarrod Bowen.
Well this has taken quite the turn, hasn’t it?
From 2-0 up, Arsenal have been pulled back to 2-2 for the second game running 😱
Moments after Bukayo Saka sent a penalty wide, Jarrod Bowen equalizes for West Ham
Huge title race drama!#WHUARS | #AFCpic.twitter.com/GzL2l9IM9i
— Canadian Soccer Daily (@CANSoccerDaily) April 16, 2023
Me këtë barazim, skuadra e Arsenal-it tani ka 74 pikë në vendin e parë, katër me shumë se ndjekësi Manchester City, por këta të fundit e kanë një ndeshje më shumë për ta zhvilluar.
Ndeshjen e radhës skuadra e Arteta-s do ta luajë ndaj Southampton-it, ndërsa pas kësaj do të luajë në udhëtim te Manchester City.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
