Arrihet marrëveshja e projektit të CVC në La Liga, por pa Real Madridin dhe Barcelonën

Projekti që parashikon hyrjen e fondit të investimeve CVC ka arritur në asamblenë e klubeve të ligës më të lartë spanjolle të futbollit me një ndryshim në minutat e fundit.

Fondi CVC nuk do të negociojë të drejtat me klubet që votuan kundër marrëveshjes.

Siç raportohet nga Marca, kjo do të thotë, se Real Madridi dhe Barcelona nuk do të fitojnë asgjë nga 2.7 miliardë euro të ofruara sipas marrëveshjes, por marrëveshja nuk do të ketë ndikim në të drejtat e tyre ose të ardhurat e tyre, tani ose në të ardhmen.

Nga 2.7 miliardë që fondi do të fitojë në arkën e klubeve, 300 milionë që do të korrespondonin me Realin ose Barcelonën do të mbesin të paprekura për tre vjet.

Për pjesën e mbetur të marrëveshjes, CVC mund të negociojë 10% të qarkullimit pa përfshirë asgjë nga të dy ekipet as nga të gjithë ata që votuan kundër.

Pasurimi strukturor i pjesës tjetër të klubeve që do të marrin burime të reja do të përmirësojnë La Ligën në tërësi, do të rrisin vlerën e saj dhe madje edhe klubet që nuk bashkohen mund të përfitojnë nga një rritje e vlerës së të drejtave televizive.

Fondi CVC do të kishte preferuar këtë opsion për të thjeshtuar nisjen e  këtij projekti, dhe për të ndalur kërkesat e madrilenëve dhe katalunasve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.