Ariana Grande tregon se si “bullizmi” e çoi në ndryshimin e kopertinës së albumit “Yours Truly”

Ndërsa, Ariana Grande vazhdon festimin e 10-vjetorit të albumit të saj debutues “Yous Truly”, këngëtarja po shikon prapa në kohët e saj të mira – dhe të këqija.

Së fundmi, Grande ka publikuar një seri performancash live të regjistruara rishtazi të këngëve “Yours Truly”, një version të ri dixhital luksoz të albumit me prurje të reja.

Një pjesë e atij kremtimi përfshinte gjithashtu pyetje dhe përgjigje me dy pjesë që Grande postoi në faqen e saj në TikTok, shkruan CNN, transmeton AlbanianPost.

Duke iu përgjigjur një pyetjeje se pse ajo ndryshoi kopertinën e albumit për versionin luksoz të vitit 2023 të “Yous Truly”, i cili u publikua të enjten, Grande tha troç sepse dëgjuesit e saj “e urrenin atë”.

“Epo, është e tmerrshme – nuk është e tmerrshme, (por) kishe të drejtë”, tha Grande për kritikat për kopertinën origjinale të albumit të vitit 2013, duke shtuar se njerëzit u zemëruan “shumë”.

“Isha shumë e trishtuar për këtë dhe e ndryshova”, tha ajo.

Grande pranoi se në fund u pajtua me neverinë për kopertinën, por e pa këtë pyetje si një mundësi për të trajtuar “bullizmin” me të cilin është përballur në dekadën e fundit.

“Ke pasur të drejtë, por jo gjithmonë ke të drejtë. Ngacmimi juaj ka qenë konsistent gjatë dhjetë viteve të fundit, kështu që e ndryshova”, tha ajo, duke shtuar se “ndonjëherë” kjo lloj kritike nga fansat funksionon, por që “ndonjëherë e lë me plagë që e bëjnë të vë në dyshim gjithçka që ka bërë që nga ajo kohë”.

Kjo nuk është hera e parë që Grande flet për kritikat në internet me të cilat është përballur dhe efektin e tyre në aspektin emocional.

Në prill, Grande postoi një video në TikTok-un e saj për të “adresuar shqetësimet” që njerëzit kishin shprehur për pamjen e saj.

Në vitin 2015, ajo foli në mënyrë të ngjashme pasi pa komente të papërshtatshme për të dhe aktorin e “Modern Family”, Ariel Winter në mediat sociale.

Pavarësisht disa negativiteteve me të cilat është përballur këngëtarja e “Thank U, Next”, ajo shprehu vlerësimin për mbështetësit e saj në pjesën e parë të pyetjeve dhe përgjigjeve të saj “Yous Truly” të postuar në rrjetet e saj sociale gjatë fundjavës.

“Faleminderit që keni qenë në jetën time dhe për dhjetë vjet spektakolare dhe që më keni mbështetur në çdo hap”, përfundoi Grande.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.