Apeli i Blinken-it për ndihmën ndaj Izraelit gëzon mbështetje në Kongres – paçka protestave

Sekretari amerikan i Shtetit, Antony Blinken, nuk mundi ta përfundonte fjalën e tij hyrëse në seancën dëgjimore të kësaj të marte pa tetë ndërprerjet nga protestuesit.

Ata brohorisnin për “armëpushim në Gaza” dhe për shpëtimin e fëmijëve të Gazës.

Po ashtu ngritën lart në shenjë simbolike duart e tyre të lyera me ngjyrë të kuqe.

Seanca dëgjimore në fjalë nuk kishte të bënte vetëm me ndihmën për Ukrainën.

Ishte gjithashtu rreth 14 miliardë dollarëve ndihmë për Izraelin që Shtëpia e Bardhë i ka kërkuar Kongresit ta miratojë.

Blinken, së bashku me Sekretarin e Mbrojtjes, kishin rolin në këtë seancë për t’i dhënë Shtëpisë së Bardhë atë që dëshiron.

Ai përsëriti se SHBA-të janë të palëkundura në mbështetjen ndaj Izraelit.

Po ashtu përshkroi me detaje grafike të paprecedentë thellësinë e vuajtur nga civilët izraelitë më 7 tetor.

Sakaq, Blinken nuk përmendi vdekjet e pësuara nga civilët e Gazës në atë kohë.

Ai theksoi se SHBA-të po punojnë  më shumë për ndihmën humanitare për Gazën, duke përfshirë rritjen e numrit të kamionëve me ndihma që tani kalojnë nëpër kufirin Rafah.

Blinken ka thënë gjithashtu se nuk ka asnjë indikacion deri më tani se frika se izraelitët e kanë këtë ndihmë mund të devijohen në Hamas.

Nuk ka qenë kështu dhe nuk ka asnjë provë për të treguar të kundërtën, sipas tij.

“Ka mbështetje dypartiake për ato 14 miliardë dollarë për Izraelin. Pyetja nuk është nëse kjo ndihmë nga SHBA-të do të kalojë në Kongres, por në çfarë forme – do t’i bashkëngjitet ndihmës për Ukrainën apo si një artikull i pavarur?”, ka thënë ai.

Me duart e ngritura lart, të mbuluara me bojë të kuqe, protestuesit ndërprenë vazhdimisht seancën dëgjimore të Kongresit të SHBA-ve për më shumë ndihmë ushtarake.

Ndërkohë, Blinken dhe Sekretari i Mbrojtjes Lloyd Austin po i bënin thirrje Komitetit të Ndarjeve të Senatit për miliarda dollarë ndihmë ushtarake për të mbështetur Izraelin dhe Ukrainën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.