Albin Tahiri dhe Kiana Kryeziu do ta përfaqësojnë Kosovën në Lojërat e 24-ta Olimpike Dimërore “Pekini 2022”.
Të dy skitarët e skijimit alpin kanë përmbushur normat olimpike në ciklin kualifikues, i cili u mbyll të dielën.
Tahiri, 32-vjeçar, ka fituar katër norma olimpike në disiplinat e sllallomit, sllallomit të madh, kombinimit alpin dhe lëshimit.
Derisa, Kryeziu 17 vjeçare është kualifikuar në disiplinën e sllallomit të madh e cila bëhet sportistja e parë femër që do ta përfaqësojë Kosovën ne një Olimpiadë dimërore.
Dy norma olimpike i kishte fituar edhe Arbi Pupovci, në disiplinat e sllallomit dhe sllallomit të madh, por rregullat e Federatës Ndërkombëtare të Skitarisë, parashohin që shtetet të cilat nuk kanë sportistë në mesin e 30 më të mirëve në këtë sport, kualifikohen me vetëm një sportist për gjini.
Ekipi Olimpik i Kosovës ka debutuar në Lojërat Olimpike Dimërore PyeongChang 2018, me sportistin e vetëm, Albin Tahiri, i cili kishte garuar në pesë disiplinat e skijimit alpin.
Kosova është në mesin e 90 shteteve pjesëmarrëse në Olimpiadën e Pekinit, e cila do të mbahet në Pekin të Kinës prej 4 deri më 20 shkurt 2021.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste