Abbott për takimin Kurti-Johnson në Londër: U bë i qartë angazhimi afatgjatë i Mbretërisë së Bashkuar ndaj rajonit
Ambasadori britanik në Kosovë, Nicholas Abbott, ka treguar për takimin që pati me kryeministrin e Kosovës, Albin Kurti dhe me homologun britanik, Boris Johnson, më 28 shkurt.
Abbott, këtë e ka bërë të ditur përmes postimit në rrjetin social, ‘Twitter’, në të cilën thuhet se Kurti ka bërë të ditur angazhimin afatgjatë të Mbretërisë së Bashkuar ndaj rajonit.
“Dje, pata kënaqësinë që të prezantoj Albin Kurtin te kryeministri britanik, sekretarja e jashtme dhe ministri për Europë. Në një takim në Londër me udhëheqësit tjerë të Ballkanit Perëndimor, kryeministri e bëri të qartë angazhimin afatgjatë të Mbretërisë së Bashkuar ndaj rajonit dhe nevojën për një përgjigje kolektive ndaj agresionit rus në Ukrainë”.
Yesterday I had the pleasure of introducing @albinkurti to the🇬🇧PM, Foreign Secretary &Minister for Europe. At a meeting in London with other Western Balkans leaders, the PM made clear the 🇬🇧long-term commitment to the region &the need for a collective response to🇷🇺invasion of🇺🇦. pic.twitter.com/XK1MQqtbch
— Nicholas Abbott (@nickabbottfcdo) March 1, 2022
Kryeministri i Kosovës, Albin Kurti, i cili ka marrë pjesë në Samitin për Investime në Ballkanin Perëndimor që është duke u mbajtur në Londër ka thënë se sërish ka kërkuar angazhim ndaj Kosovës.
Kurti, këtë e ka bërë të ditur përmes një postimi në rrjetin social, “Twitter”.
“Theksova gjithashtu se duke pasur parasysh situatën aktuale të sigurisë, kurrë nuk ka qenë më e qartë që të angazhohemi me Kosovën si në nivel ndërkombëtar ashtu edhe në atë të BE-së”, ka shkruar Kurti.
I discussed funding for our projects on energy and infrastructure with 🇪🇺 Commissioner @OliverVarhelyi at #EBRD. I also stressed that given current security situation it has never been more self-evident to engage with Kosova at both the international & EU level. pic.twitter.com/VjmNtKhpwf
— Albin Kurti (@albinkurti) February 28, 2022
Kurti, dje përmes një postimi në Twitter, tha se Ballkani Perëndimor është domosdoshmëri për sigurinë e Europës. Ai tha se në këtë takim u fol edhe për mundësitë e investimit.
Në këtë samit Kurti ka marrë pjesë së bashku me ministrin e Financave, Hekuran Murati.
Ndërsa, prezent kanë qenë edhe gjashtë kryeministrat e vendeve të Ballkanit Perëndimor, të cilët kanë konfirmuar pjesëmarrjen.
Hapjen e Samitit do ta bëjë Oliver Varhelyi, Komisioneri i Bashkimit Evropian për Zgjerim dhe Fqinjësi në ora 9:00-9:15.
Sesioni interaktiv mes participantëve të gjashtë vendeve të Ballkanit Perëndimor, përfshirë edhe shtojca me pyetje/përgjigje do të jetë nga ora 9:15-11:00.
“Gjashtë kryeministra nga rajoni do të diskutojnë për të ardhmen e rajonit dhe mundësitë e investimeve”, thuhet në njoftimin e llogarisë zyrtare të Bankës Evropiane për Rindërtim dhe Zhvillim (EBRD).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel