A ndikojnë fëmijët në marrëdhënien tuaj në çift?

Konflikti në çift që lidhet me fëmijët ose njerkat është i zakonshëm, megjithëse nuk mund t’i fajësoni fëmijët. Ndërsa të dy prindërit i duan fëmijët, mund të shfaqen dallime se si duhet të kujdesen për ta.

Mund të ketë një sërë arsyesh pse keni dallime, duke përfshirë: mënyrën si jeni rritur, personalitetet, sa të zënë jeni të dy, pikëpamje të ndryshme për disiplinën, qëndrime kontradiktore për lirinë dhe nivelet e rrezikut për fëmijët, punët e fëmijëve, zgjedhjen e shkollave dhe aktiviteteve.

Në një familje shumë të zënë, rutinat e vakteve dhe të gjumit mund të neglizhohen dhe atmosfera mund të jetë stresuese. Të dyja palët: fëmijët dhe prindërit e kanë të vështirë të lulëzojnë në një familje kaotike.

Nëse jeni mendjelehtë, mund të duroni shumë më tepër sesa partneri juaj është i gatshëm të tolerojë, dhe nëse jeni i rreptë, partneri juaj mund të mendojë se jeni shumë i ashpër me fëmijët.

Kur nuk jeni dakord për fëmijët

Për çfarëdo që nuk jeni dakord, është e rëndësishme të gjeni mënyra për të zgjidhur dallimet tuaja për të mirën e fëmijëve. Të shohësh prindërit që debatojnë në sy të fëmijëve e dëmton shumë familjën e sidomos të vegjlit pasi ata priren të mendojnë se është faji i tyre.

Gjeni kohë për të biseduar mbi çështjet dhe për të kërkuar kompromis. Së bashku mund të vendosni për gjërat vërtet të rëndësishme në jetën e fëmijëve tuaj dhe të arrini marrëveshje aty ku është e mundur. Nëse nuk mund të bëni biseda për rritjen e fëmijëve pa zemërim dhe akuza, merrni parasysh të shihni një këshilltar për të marrë ndihmë.

Mos harroni për partnerin tuaj

Nëse ndiheni të mbingarkuar nga kujdesi për fëmijët, duke punuar dhe duke bërë një milion gjëra të tjera, është e lehtë të filloni ta merrni si të mirëqenë partnerin tuaj. Mundohuni të gjeni kohë për veten tuaj, edhe nëse jeni të zënë dhe të lodhur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.