Amnesty International, Privacy International, së bashku me 28 grupe të tjera në mbrojtje të të drejtave të njeriut dhe atyre civile, u kanë kërkuar ligjvënësve të Bashkimit Evropian të mbajnë një qëndrim të fortë mbi rregullat e privatësisë të propozuara nga Whatsapp-i i Facebook-ut dhe Skype-i i Microsoft-it.
Agjencia e lajmeve, Reuters, tregon se kërkesa e grupeve ka qenë në formën e një letre drejtuar Parlamentit Evropian, anëtarët e të cilit janë shprehur se ka qenë përpjekjet e vendeve të BE-së për të dobësuar të drejtat e privatësisë.
Në muajin shkurt, këto vende kanë rënë dakord për një pozicion të përbashkët në negociatat e ardhshme me ligjvënësit e BE-së dhe Komisionin Evropian për një Rregullore ePrivacy.
Rregullorja do të nënshtronte Whatsapp-in dhe Skype-in ndaj të njëjtave rregullave si ofruesit e telekomunikacionit. Ajo gjithashtu kufizon gjurmimin e përdoruesve në mënyrë që të sigurojnë reklama të personalizuara.
E propozuar në vitin 2017, rregullorja ka hasur në pengesa të ndryshme me vendet e BE-së, të cilat nuk kanë rënë dakord mbi rregullat për cookies. Gjithashtu për kërkesat e pëlqimit dhe për dispozitat e zbulimit dhe fshirjes së pornografisë që u shfaqet fëmijëve.
Sipas grupeve civile, vendet e BE-së kishin hequr apo dobësuar disa nga klauzolat që do të mbronin përdoruesit e internetit nga gjurmimi dhe monitorimi ose që mund ta ndalonin gjurmimin. Qoftë ky me cookies ose mjete të tjera teknologjike.
Klauzolat në fjalë ishin propozuar nga ligjvënësit e BE-së si bazë për kryerjen e bisedimeve. Prandaj dhe grupet civile kërkojnë rivendosjen e këtyre klauzolave pasi privatësia është kthyer në një çështje me rëndësi gjatë pandemisë teksa angazhimi i njerëzve në internet ka qenë i shumtë.
“Ne kemi mundësinë të krijojmë një internet që u shërben më mirë përdoruesve duke ndaluar metodat e integruara të mbledhjes dhe gjurmimit të të dhënave”, ka thënë në një deklaratë një zyrtare e lartë e Unionit të Lirive Civile për Evropën, Eva Simon.
Ajo ka shtuar se “është e rëndësishme që Parlamenti Evropian të kuptojë se mund të qëndrojë për njerëzit dhe mos të mbrojë interesat e platformave të mëdha të teknologjisë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Plani arab në katër etapa, për të ndaluar luftën në Gaza
-
Narrativa armiqësore, etiketime, fyerje, tendenca për kontroll – Mediat në Kosovë nën trysninë e pushtetit