“Pështjellimi dhe vetëkënaqësia në adresimin e Covid-19, do të thotë se pandemia është ende larg përfundimit të saj, por ajo mund të vihet nën kontroll brenda disa muajve. Kjo, me masa të provuara nga shëndeti publik”, tha të hënën e 12 prillit drejtori i Përgjithshëm i OBSH-së, Tedros Adhanom Ghebreyesus.
“Ne, po ashtu, duam t’i shohim shoqëritë dhe ekonomitë teksa hapen dhe rifillojnë udhëtimet dhe tregtia”, vijoi Tedros në një konferencë për shtyp.
“Por aktualisht, njësitë e kujdesit intensiv, në shumë vende janë të tejmbushura, njerëzit po vdesin dhe kjo është plotësisht e shmangshme”.
“Pandemia e Covid-19 është ende një rrugë e gjatë. Por kemi shumë arsye për të qenë optimistë. Rënia e rasteve dhe vdekjeve, gjatë dy muajve të parë të vitit, tregon se ky virus dhe variantet e tij mund të ndalen”, shtoi ai, duke thënë se transmetimi po drejtohej nga “konfuzioni, vetëkënaqësia dhe mospërputhja në masat e shëndetit publik”.
India e ka tejkaluar Brazilin, duke u bërë vendi me numrin e dytë më të lartë të infeksioneve në të gjithë botën pas Shteteve të Bashkuara.
Kjo e fundit po lufton me një valë të dytë masive, pasi ka dhënë rreth 105 milionë doza vaksinash mes një popullsie prej 1.4 miliardë banorësh.
Drejtuesja e ekipit të OBSH-së për Covid-19, Maria van Kerkove, tha në konferencën për lajmet se pandemia po rritet në mënyrë eksponenciale, 9% të rasteve nga java e kaluar, javën e shtatë rresht të rritjeve dhe rritje prej 5% të vdekjeve.
Tedros tha se, në disa vende, pavarësisht transmetimit të vazhdueshëm, restorantet dhe klubet e natës ishin plot dhe tregjet ishin të hapura e të mbushura me njerëz. Shumë pak prej tyre merrnin masa paraprake.
“Disa njerëz duket se po ndjekin qasjen se, nëse janë relativisht të rinj, nuk ka rëndësi nëse marrin Covid-19”, përmbylli ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
11 milionë euro i është shkaktuar dëm buxhetit të shtetit nga marrëveshjet e nënshkruara nga MASHT-i dhe MSH-ja
-
I vunë tritol në banesë, KLGJ i cakton 6 muaj mbrojtje gjyqtarit, Tonin Stërkaj
-
Turqia shpreh mbështetje për Rutte si shef i NATO-s
-
Turqia do të refuzojë gazin rus në favor të atij amerikan
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës