![](https://albanianpost.com/wp-content/uploads/2024/03/auto_thaci-selimi-gjykata-speciale-kosovo-court-Kopie1604668271.jpg)
Në Dhomat e Specializuara të Kosovës (DhSk), do të nis dëshminë dëshmitari i 66-të, por që dëshmia e tij do të jetë pjesërisht e mbyllur.
Lajmin e ka bërë të ditur zëdhënësi i DhSK-së, Christopher Bennett, për Albanian Post.
“Dëshmitari i radhës do të fillojë të dëshmojë rreth orës 16:30 përmes transmetimit. Dëshmia do të jetë kryesisht e mbyllur”, ka thënë Bennett për AP.
Të enjten në Speciale, ka përfunduar dëshminë dëshmitari i 65-të, i cili po ashtu kishte dëshmuar në seancë të mbyllur.
Zyra e Prokurorit të Specializuar (ZPS), ka dorëzuar një parashtrim përmes të cilit ka njoftuar panelin e trupit gjykues në rastin e ish-krerëve të Ushtrisë Çlirimtare të Kosovës, që nuk do të mbështetet në dëshminë e 10 dëshmitarëve.
Në Speciale, të martën kanë nisur dëshminë dy dëshmitarë, njëri që ka qenë Oficer i ushtrisë Federale të Gjermanisë, Dietrich Klaus Jensch, teksa të mëkurën ka dëshmuar dëshmitari i 54-të, Johan Fritsch.
Prej mbi 300 dëshmitarëve në total, deri tani janë dëgjuar 62 prej tyre – shqiptarë, serbë, ekspertë ndërkombëtarë, ish-komandantë të UÇK-së e viktima të pretenduara të luftës – kryesisht në seanca të mbyllura, ndërsa të martën pritet të vazhdojë dëgjimi i dëshmitarit të 63-të.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.
Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fondaj: Nga shkurti i 99’së s’jam takuar më me Jakup Krasniqin
-
Fondaj në Speciale: UÇK-ja s’u bë asnjëherë pjesë e ministrisë së Mbrojtjes në qeverisjen Bukoshi
-
Prokurori në Speciale analizon rolin e zëvendëskomandantit të UÇK-së duke u bazuar në prova të Serbisë
-
Ish ushtari i UÇK-së pyetet për Skender Hoxhën e Blerim Kuçin në Speciale
Lajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
18 milionë dollarë investime nga fondet “e qëndrueshme” të rregulluara nga BE shkojnë për ndotësit më të mëdhenj
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm