Fondaj në Speciale: UÇK-ja s’u bë asnjëherë pjesë e ministrisë së Mbrojtjes në qeverisjen Bukoshi

Në Dhomat e Specializuara të Kosovës (DhSK), në Gjykatën Speciale ka vazhduar dëshminë ish ushtari i Ushtrisë Çlirimtare të Kosovës, Kurtesh Fondaj, ai është intervistuar nga avokati Ben Emmerson, i cili e ka pyetur atë për qeverisjen e Bujar Bukoshit.

Sipas Fondaj, marrëveshja ushtarake gjatë kësaj udhëheqje kishte hyrë në fuqi para marrëveshjes politike.

Ai tha se marrëveshja politike s’kishte hyrë asnjëherë në fuqi.

Fondaj theksoi se “UÇK-ja s’u bë asnjëherë pjesë e ministrisë së Mbrojtjes në qeverisjen Bukoshi”.

“Në kuadër të Qeverisë Bukoshi jo. Përkundrazi, forcat e ish ministrisë së Mbrojtjes u shkrin në kuadër të UÇK-së”, deklaroi ai.

Pjesë nga intervistimi i dëshmitarit Kurtesh Fondaj:

Ben Emmerson: Në një nga përgjigjet thatë që ishte arritur një marrëveshje në nëntor për të bërë një unifikim. Unë dua të di tani, pasi që u bë marrëveshja në nëntor sipas jush çfarë marrëdhënie do të kishin forcat e unifikuar tashme ministrinë e Mbrojtjes dhe Qeverinë Bukoshi?

Kurtesh Fondaj: Duke pasur parasysh bisedat që unë kam pasur me Bislim Zyrapin, ish shef i shtabit, ai më ka thënë se në territorin e Kosovës do të futen forcat që janë nën kontrollin e ministrisë së Mbrojtjes, por ato në territorin e Kosovës do të sistemohen sipas urdhrave të shtabit të përgjithshëm dhe do t’i raportojnë shtabit të përgjithshëm dhe kështu ka ndodhur.

Ben Emmerson: Në këtë marrëveshje të re, si i organizoheshin këto forca me ministrinë e Mbrojtjes dhe Qeverinë e Bukoshit? Si do të punonit me këtë marrëveshje?

Kurtesh Fondaj: Unë detajet e kësaj marrëveshje nuk i di. Por, sa i përket dy elementeve që unë i kam mbajtur mend është që marrëveshja ushtarake hyn në fuqi në një datë të caktuar të cilën unë se kam mbajtur në mend.

Marrëveshja ushtarake ka hyn në fuqi, pa u arrit marrëveshja politike. Marrëveshja politike s’është arritur asnjëherë.

Ben Emmerson: Ju thatë që donit që ushtria të ishte pjesë e ushtrisë së mbrojtjes dhe nuk kishte rëndësi se kush do ta udhëhiqte. Me aq sa keni ju dijeni UÇK-ja a është bërë ndonjëherë pjesë e ministrisë së Mbrojtjes?

Kurtesh Fondaj: Në kuadër të Qeverisë Bukoshi jo. Përkundrazi, forcat e ish ministrisë së Mbrojtjes u shkrin në kuadër të UÇK-së.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.