Ministrja e Industrisë, Ndërmarrësisë dhe Tregtisë, Rozeta Hajdari, lidhur me dokumentet që janë kërkuar nga Komisioni Hetimor Parlamentar për rezerva shtetërore ka thënë se do ta zbatojnë ligjin për mbrojtjen e informacioneve të klasifikuara.
Ndonëse për keqpërdorim të rezervave u arrestuan dy zyrtarë të MINT-it, Hajdari në konferencë për media ka thënë se “s’do ta shkel në asnjë moment ligjin për rezervat”.
“Ne si ministri e Industrisë, jemi të hapur për çdo informacion. Unë jam e dedikuar ta mbroj ligjin dhe nuk do ta shkel në asnjë moment ligjin për rezervat shtetërore dhe ligjin për mbrojtjen e informacionit të klasifikuar”, ka thënë Hajdari
Ajo tutje ka thënë se duhet të pyeten anëtarët e komisionit për zbatimin e ligjit parlamentar për hetimet.
E po ashtu edhe “për mënyrën e procedurave të përkrahjes së atij ligji për të respektuar ligjin se si të kryhet një hetim paralamentar”.
“Nëse ministria merr pyetje që shkelin privatësin ose konfidencialitetin e rezervave shtetërore, sigurisht që ne jemi të dedikuar të mbrojmë Republikën tonë”.
Albanian Post kishte raportuar në muajin prill të 2023-së për problemin me Rezervat Shtetërore dhe keqpërdorimet potenciale që ndodhnin prapa arsyetimit se s’mund të jepeshin informacione meqë ishte sekret shtetëror.
Në artikullin me titull “Rezervat Shtetërore të Kosovës – A po mbulohet keqpërdorimi milionësh me arsyetimin e “sekretit shtetëror”?, AP kishte nxjerrur në pah faktin se Kosova ka blerë mallra për rezerva shtetërore nga një kompani turke fantom.
Nga Prokuroria Speciale akuzohen dy zyrtarë të MINT drejtori i Departamentit të Rezervave Shtetrore, Hafiz Gara, Drejtori i Integrimeve Evropiane, Irfan Lipovica dhe Ridvan Muharremi, afarist.
Organi i Akuzës i ngarkon Garën e Lipovicën se kanë anashkaluar ligjin e Prokurimit Publik kur kanë kërkuar që malli të blihet pa procedura, por me negocim.
Prokuroria në Dosje thotë se buxheti i Kosovës është dëmtuar 600 mijë euro si shkak i mos ardhjes së vajit, sheqerit dhe 52 tonë grurë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sveçla kërkon që të zbardhet rasti i plagosjes së policit: Të dyshuarit të ballafaqohen me drejtësinë
-
Knaus: Gjermania, Franca dhe Italia po planifikojnë të vënë veton Kosovës në Këshillin e Evropës
-
Gjysma e shteteve të OSBE-së kërkojnë nga Kosova e Serbia t’i zbatojnë marrëveshjet
-
Kosova inaguron konsullatën në Poloni – premtohet mbështetje për anëtarësimin në KiE
Lajmet kryesore
-
Begaj uron Siljanovska-Davkova-n: Së bashku do të vazhdojmë të forcojmë marrëdhëniet mes vendeve
-
Ceremonia tradicionale “Karli i Madh”, Rama: Luajti një rol kyç në formësimin e historisë
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
PDK: Të finalizohet anëtarësimi i Kosovës në Këshillin e Evropës