Sekretari i Përgjithshëm i NATO-s, Jens Stoltenberg, gjatë takimit me Presidenten e Komisionit të Bashkimit Evropian (BE), Ursula von der Leyen, ka thënë se NATO-ja dhe BE-ja kanë bërë shumë sivjet në përpjekje për të ruajtur paqen dhe stabilitetin në Ballkanin Perëndimor.
Ai ka falënderuar shefen e Komisionit Evropian që ka qenë “forcë shtytëse” në partneritetin midis NATO-s dhe BE-së, derisa ka shtuar se të dyja organizatat euro-atlantike kanë shumë të përbashkëta, ndajnë të njëjtat vlera dhe përballen me të njëjtat sfida gjeopolitike.
“Stoltenberg ka theksuar se NATO-ja dhe BE-ja kanë bërë më shumë së bashku këtë vit, duke përfshirë punën në stabilitetin permanent në Ballkanin Perëndimor, trajtimin e dezinformimit dhe avancimin e partneritetit të tyre strategjik në fusha sikurse lëvizshmëria ushtarake, kibernetike dhe hapësirore”, thuhet në njoftimin e NATO-s të mërkurën.
Përfaqësuesi i Lartë i BE-së për Politikë të Jashtme dhe Siguri, Josep Borrell, të hënën ka pritur në kryqendrën evropiane ministrat e Jashtëm të shteteve të Ballkanit Perëndimor, ku janë adresuar sfidat aktuale gjeopolitike, posaçërisht nën trysninë e ngjarjeve të fundit midis Kosovës dhe Serbisë që kanë dëshmuar se paqja në rajon është akoma e brishtë.
Ministrat e Jashtëm të Ballkanit Perëndimor kanë zhvilluar diskutime për ngjyrimet gjeopolitike në rajon, veçanërisht mbi agresionin rus kundër Ukrainës, duke përqëndruar fokusin në angazhimet e sigurisë dhe do të shkëmbejë mendime mbi zhvillimet politike në lidhje me Armeninë dhe Azerbajxhanin, por edhe për situatën në Lindjen e Mesme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë