Presidenti i Napolit, Aurelio De Laurentiis thuhet se ka bërë kontaktin e parë me trajnerin e Porto-s, Sergio Conceicao, për ta marrë pozitën që do të lëshohet nga trajneri aktual i ekipit të tij, Luciano Spalletti.
Spalletti është vendosur të largohet nga klubi në fund të sezonit dhe do të marrë një pushim pasi udhëhoqi napolitanët në titullin e tyre të parë të ligës pas 33 vjetësh pritje.
De Laurentiis fillimisht kishte ndjekur ish-trajnerin e Barcelonës dhe Kombëtares së Spanjës, Luis Enrique-n, edhe pse kjo marrëveshje dështoi shpejt, me spanjollin që preferoi një lëvizje në Premier League sipas fjalëve të Presidentit të Napolit.
📌Leia aqui todos os destaques desta quarta-feira: https://t.co/UBRDjQEj06.#ojogo #futebol #fcporto #sergioconceiçao pic.twitter.com/Vbbpt2lEmp
— O Jogo (@ojogo) May 31, 2023
Fokusi i të parit të Napolit që atëherë është zhvendosur në Conceicao dhe sipas “Il Mattino”, kontakti i parë tashmë është bërë.
48-vjeçari ka një vit të mbetur në kontratën e tij aktuale me Porto-n, megjithëse gazeta portugeze, “O Jogo” raporton se fituesi i trefishtë i ligës ka një klauzolë lirimi në kontratën e tij të vendosur në 18 milionë euro.
Sipas raporteve të ndryshme, Napoli është i përgatitur të ofrojë 4 deri në 6 milionë euro për shërbimet e tij dhe në rast se dështon, atëherë fokusi i vetëm do të jetë Vincenzo Italiano i Fiorentina-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Raportet ndërkombëtare që shkërmoqën propagandën qeveritare