Vatikani njoftoi të hënën se synon të dërgojë në hapësirë një libër dixhital në miniaturë me një mesazh shprese.
Dërguesi nuk është as më pak e as më shumë por Papa Françesku.
“Nano-libri” do të hidhet në orbitë në një lartësi prej 525 kilometrash nga një raketë SpaceX Falcon 9.
Ajo do të ngrihet më 10 qershor nga aeroporti Vandenberg në Kaliforni, njoftoi Selia e Shenjtë në një konferencë për shtyp në Romë.
Një pjesë elektronike e mikrogdhendur rreth 2 milimetra do të ngarkohet në një satelit drejtkëndor prej rreth tridhjetë centimetra (CubeSat) të pajisur me panele diellore dhe është projektuar nga studentët e Shkollës Politeknike të Torinos.
Ai do të shfaqë fjalimin që Papa Françesku mbajti më 27 mars 2020 në mes të pandemisë COVID.
Atë ditë kreu i kishës katolike u shfaq i vetëm në sheshin e Shën Pjetrit ashtu të shkretuar dhe të lagur nga shiu.
Papa asokohe i bëri thirrje botës “të frikësuar dhe të humbur” të rishikonte prioritetet e saj.
I quajtur latinisht “Spei Satelles” (satelit i shpresës), projekti, buxheti i të cilit nuk është specifikuar, do të realizohet bashkërisht nga Vatikani, Agjencia Italiane e Hapësirës dhe institute të ndryshme italiane.
“Qëllimi i bashkëpunimit të tyre është të dërgojnë fjalimin e Papës “përtej kufijve të tokës, në mënyrë që nga hapësira të arrijë sa më shumë gra dhe burra në planetin tonë në vështirësi”, shpjegoi presidenti i Agjencisë Hapësinore, italiani Giorgio Saccoccia.
Në tetor 2017, Papa argjentinas foli drejtpërdrejt përmes video-konferencës me astronautët në Stacionin Ndërkombëtar të Hapësirës (ISS) si pjesë e një nisme të nisur nga paraardhësi i tij, Benedikti XVI.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rreth 400 mijë euro u investuan për rregullimin e stadiumit të Vitisë – por ende është jashtë funksionit
-
UNMIK-u po e ndjek nga afër situatën pas refuzimit të vizitës së Porfirije në Kosovë
-
Ndalohet kontrabandimi i medikamenteve në Han të Elezit
-
Pothuajse 450 mijë njerëz janë larguar nga Rafah brenda një jave, thotë OKB
Lajmet kryesore
-
Qeveria plan me 4 pika për rritjen e kreditimit të ekonomisë, në fokus bujqësia
-
Reforma e inspektimeve, Rama: Krijojmë një forcë të re autonome të shkëputur nga ministritë
-
Pothuajse 450 mijë njerëz janë larguar nga Rafah brenda një jave, thotë OKB
-
Dikur ftonte të votohej Joe Biden, tash Kurtit i ndryshojnë preferencat politike në Amerikë