Policia italiane dhe ajo angleze po bashkëpunojnë për të shmangur përleshjen mes tifozëve të Italisë dhe Anglisë kur “Azzurri” ballafaqohen me “Tre Luanët” në Napoli të enjten, në ndeshjen e parë kualifikuese për Euro 2024.
Autoritetet italiane duan të parandalojnë që të ndodhë një incident tjetër, pas atij të javës së kaluar, kur në Ligën e Kampionëve u përballen Napoli me Eintracht Frankfurtin, po në të njëjtin stadium që do të zhvillohet edhe ndeshja e së enjtes.
Sipas “La Gazzetta dello Sport”, Policia e Italisë dhe Policia e Anglisë po bashkëpunojnë për të shmangur një përplasje të re.
Italia-Inghilterra: in arrivo 2500 tifosi inglesi, lungomare blindato https://t.co/jkTorOJ75f
— La Gazzetta dello Sport (@Gazzetta_it) March 22, 2023
Raporti thotë se rreth 2 mijë e 500 tifozë anglezë pritet të mbërrijnë për këtë ndeshje.
Policia angleze do ta kontrollojnë turmën e tifozëve nga vendi ku do të vendosen, deri sa të shkojnë te stadiumi, ndërsa kolegët italianë do të monitorojnë rreptësisht zonën Lungomare në Napoli, përballë Castel dell’Ovo. Shumica e tifozëve anglezë, në fakt, kanë rezervuar hotelet e tyre në atë zonë.
Raportet nga mediat italiane thonë që tifozët anglezë do të përcillen të enjten në “Stadio Maradona” me 20 autobusë që do të nisen nga zona e portit në stacionin detar.
Ndeshja mes Italisë dhe Anglisë do të zhvillohet këtë të enjte me fillim nga ora 20:45.
Përveç këtyre dy kombëtareve, në Grupin C bëjnë pjesë edhe Maqedonia e Veriut, Ukraina dhe Malta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”
