Kryeministrja italiane Giorgia Meloni do të udhëtojë drejt Kiev-it më 20 shkurt për t’u takuar me presidentin ukrainas Volodymyr Zelenskiy, tha një burim politik.
Lajmi u bë i ditur nga agjencia “Reuters”.
Meloni, e cila mori detyrën në tetor, kishte thënë se planifikonte të vizitonte Kievin përpara përvjetorit të 24 shkurtit të pushtimit rus.
Pavarësisht fërkimeve brenda koalicionit të saj të djathtë dhe opinionit të ndarë publik, Meloni ka qenë një mbështetëse e fortë e Ukrainës.
Ish-kryeministri italian Silvio Berlusconi, kreu i partisë konservatore Forza Italia që është pjesë e koalicionit të Meloni-t, tha se ai nuk do të kërkonte një takim me Zelensky-in nëse ai do të ishte ende në detyrë, sepse ai fajëson Zelensky-in për luftën.
Partia Popullore Evropiane (EPP), anëtare e së cilës është Forza Italia, tha të premten se po anulonte një ngjarje të planifikuar në Napoli në qershor për shkak të komenteve të Berlusconi-t për Ukrainën.
Ministri i Jashtëm italian Antonio Tajani, një nga themeluesit e Forza Italia, tha të shtunën se ishte takuar me Ministrin e Jashtëm të Ukrainës Dmytro Kuleba në margjinat e një takimi të Grupit të Shtatë në Mynih, duke e siguruar atë për mbështetjen e Italisë.
Italia dhe Franca kanë finalizuar kohët e fundit bisedimet mbi dërgimin e një sistemi të avancuar të mbrojtjes ajrore në Kiev në pranverë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”
