Si mund të jetë ‘Old Trafford’ i ri (VIDEO)

Një ridizajnim i “Old Trafford” është hedhur në diskutim prej disa kohësh, por si do të duket “Teatri i Ëndrrave” kur planet të përfundojnë më në fund?

Deri më tani, dimë se Manchester United ka caktuar një ekip konsulentësh kryesorë për të filluar punën për krijimin e një “masterplani” për rizhvillimin e një prej stadiumeve më historike të futbollit botëror.

Në fakt, United ka sjellë arkitektët e stadiumit të Tottenham Hotspur me 63 mijë vende për të rritur ndjeshëm përvojën e tifozëve, me mbështetësit që janë në qendër të procesit.

Ndër opsionet që po shqyrtohen, dy prej tyre janë zgjerimi i kapacitetit dhe i stadiumit që ka mbetur prapa konkurrentëve të tij në dekadën e fundit apo më shumë.

Pronarët e klubit, familja Glazer, janë kritikuar gjerësisht për mungesën e investimeve të tyre drejt modernizimit të “Old Trafford”.

Por me afrimin e pronarëve të rinj potencialë, duket se ata mund të shpenzojnë 2 miliardë paund për rizhvillimin e stadiumit.

Autoriteti i Investimeve i Katarit, i cili është një fond sovran i pasurisë me vlerë 368 milionë paund, dyshohet se do të shkojë ballë për ballë me miliarderin britanik, Sir Jim Ratcliffe për të blerë klubin.

Gjithçka që dimë është se nevojitet një përmirësim i madh për të ndihmuar “Old Trafford” të konkurrojë me disa nga stadiumet më të mira në botë. Dhe në një video e YouTuber Bondibot ka krijuar tre dizajne të mundshme për të emocionuar fansat.

Koncepti i parë i paraqitur në video është “Old Trafford” që zgjeron kapacitetin e tij të përgjithshëm në 74 mijë e 310 vende, me sektorin Bobby Charlton duke marrë një rizhvillim.

Më tej është një përmirësim që përmban një fasadë moderne 360 gradë, të ngjashme me atë të”Allianz Arena”, së bashku me një çati të re dhe zgjerim në tribunën e Sir Alex Ferguson.

Dhe me pronarët e Katarit të hapur për një rindërtim të plotë të stadiumit historik, është bërë një dizajn për të treguar një terren stërvitor dhe një stadium të ri modern aty pranë.

Sigurisht, këto janë ide të bëra nga fansat për të treguar se si mund të duket “Teatri i Ëndrrave” me mbështetje financiare, por megjithatë, është magjepsëse të shihet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.