BeH mund ta marrë statusin e kandidatit për anëtarësim në BE gjatë muajit dhjetor, thotë Varhelyi
Komisioneri për Zgjerimin e Bashkimit Evropian, Oliver Varhelyi, konfirmoi se në muajin e ardhshëm, Bosnja dhe Hercegovina mund të marrë statusin e vendit kandidat për anëtarësim në BE.
Varhelyi theksoi se Komisioni Evropian dyfishoi përpjekjet për të vendosur mbi tavolinë propozimet për zgjerimin e mëtejshëm të BE-së, duke marrë shembull Ukrainën, Moldavinë dhe Gjeorgjinë.
“Këtë vit ne tashmë i kemi dhënë statusin e kandidatit tre vendeve – Ukrainës, Moldavisë dhe Gjeorgjisë – dhe besoj se këtë vit do të kemi një tjetër vendim pozitiv për BeH-në”, deklaroi Varhelyi në një konferencë për media në Barcelonë.
Ai pohoi se prioriteti kryesor i BE-së pas agresionit rus në Ukrainë ka vënë në qendër të vëmendjes çështjen e politikave të zgjerimit.
“Nëse ka një pasojë pozitive të luftës së Rusisë kundër Ukrainës, ajo është se zgjerimi i BE-së është një zgjidhje afatgjatë për vendosjen e paqes, sigurisë dhe prosperitetit”.
“Në këtë kuptim, zgjerimi tani është një prioritet kryesor jo vetëm për fqinjët tanë, por edhe për ne”, shtoi ai.
Ndryshe, të mërkurën e 12 tetorit KE-ja rekomandoi që BeH-së t’i jepet statusi i vendit kandidat për anëtarësim në BE dhe se vendimi final për këtë vend pritet të merret në muajin dhjetor.
Rekomandimi i KE-së për t’i dhënë Ukrainës statusin e kandidatit “me mirëkuptimin” se vendi do të përmbushë më pas kushtet e nevojshme, ngriti çështjen e BeH-së si një vend, statusi kandidat i së cilës është i lidhur me përmbushjen e mëparshme të kritereve.
Por, Franca, Gjermania dhe Holanda ishin kundër rekomandimit të KE-së dhe sipas të gjitha gjasave qëndrimi i tyre të ndryshojë deri në dhjetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”