“Siguria evropiane është e varur nga raportet e ngushta transatlantike dhe nga mbështetja që jep Turqia në mbrojtjen e kufijve juglindorë”.
Kjo ka qenë deklarata e sekretarit të Përgjithshëm të NATO-s, Jens Stoltenberg, gjatë një interviste për agjencinë e lajmeve AFP.
“Turqia ndodhet në kufi me Sirinë dhe Irakun. Lufta e tyre ndaj Daesh-ëve dhe ndaj terrorizmit ndërkombëtar. Shumica e vendeve të Bashkimit Evropian janë gjithashtu anëtarë të NATO-s. Qytetarët e tyre mbështeten në aleancën e krijuar për mbrojtjen e tyre”.
Stoltenberg-u ka përgëzuar përpjekjet e Brukselit për të përshpejtuar investimet në industrinë e mbrojtjes. Gjithsesi, ai u shpreh dyshues mbi thirrjet e presidentit francez, Emmanuel Macron, për të zhvilluar një “strategji autonome”.
“BE-ja nuk ka një ushtri të sajën. Por, Komisioni Evropian po nxit atë që po quhet ‘rol gjeopolitik’, nëpërmjet politikave të veta të jashtme”, shton Stoltenberg.
NATO-ja gjithsesi e cilëson veten si institucioni ushtarak më i suksesshëm në botë. Kjo, edhe falë shpenzimeve të amerikanëve për organizatën.
“Të gjitha përpjekjet – për sa kohë plotësojnë NATO-n – janë të mirëpritura”, përmbylli Stoltenberg.
Më shumë se 90% e shtetasve të BE-së jetojnë brenda mbrojtjes së NATO-s. Turqia, mbrojtësja kryesore e kufirit juglindor, është anëtare prej vitit 1952.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës