Presidenti ukrainas Volodymyr Zelensky bëri thirrje për zbatimin e “formulës së paqes” të propozuar prej tij për Ukrainën.
Kjo, gjatë fjalimit të tij në samitin e Komunitetit Politik Evropian në Pragë,
Lajmi u bë i ditur nga agjencia ukrainase “E Vërteta Evropiane”.
Zalensky vuri në dukje se ai paraqiti pikat kryesore të “formulës së tij të paqes” në një fjalim në Asamblenë e Përgjithshme të OKB-së dhe i citoi ato në një fjalim drejtuar liderëve evropianë.
“E para është ndëshkimi i agresorit. Forcimi i sanksioneve kundër Rusisë, ndalimi i çdo bashkëpunimi me Federatën Ruse dhe kompanitë e saj. Përjashtojini atë nga të gjitha organizatat ndërkombëtare ose të paktën pezulloni anëtarësimin në radhë të parë në OKB”, tha kreu i shtetit ukrainas.
Sipas tij, për të ndëshkuar Rusinë nevojitet një gjykatë speciale për “krimin e agresionit të Federatës Ruse kundër Ukrainës, si dhe një mekanizëm ndërkombëtar kompensimi që do ta detyrojë Rusinë të kompensojë dëmet e shkaktuara prej tyre”.
Pika e dytë është ndihma për Ukrainën.
“Duke na ndihmuar, secili nga shtetet tuaja ndihmon veten e tij”, shtoi Zelensky.
Pika e tretë, sipas tij, është rivendosja e sigurisë dhe integritetit territorial të Ukrainës.
“Pika e katërt janë garancitë e sigurisë. Ne kemi nevojë për garanci sigurie para se të hyjmë në NATO. Ne jemi në këtë rrugë dhe do ta bëjmë, së bashku me ju. Propozimet tona për garancitë e sigurisë u paraqiten partnerëve”, vijoi ai.
Ndërsa, pika e pestë është vendosmëria.
Zelensky kujtoi se në 225 ditë lufte në shkallë të gjerë, të gjithë kemi treguar tashmë se Evropa mund të ndikojë në çështjet e luftës dhe paqes.
“Por tani, të gjithë së bashku, duhet të sigurojmë që formula e luftës të bllokohet plotësisht dhe formula e paqes të zbatohet plotësisht”, ravijëzoi presidenti ukrainas.
Ai shtoi se “do të vijë një ditë kur e keqja ruse do të humbasë dhe do të jetë dita kur formula jonë e paqes do të fitojë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë