Autoritetet shqiptare dhe spanjolle kanë nënshkruar një marrëveshje dypalëshe të hënën e 1 gushtit në ambientet e Kryeministrisë.
Kjo, për krijimin e një ekipi të përbashkët hetimor në fushën e luftës kundër krimit.
Ministri i Brendshëm i Shqipërisë, Bledi Çuçi dhe ambasadori spanjoll në Tiranë, Alvaro Renedo Zalba ishin nënshkruesit e këtij dakordësimi institucional.
Në praninë e tyre ishin dhe kryeministri Edi Rama dhe homologu i tij spanjoll Pedro Sanchez.
Të dy udhëheqësit do të mbajnë një konferencë të përbashkët për shtyp e parashikuar në orën 11:00.
Sanchez, të premten nisi një turne në Ballkanin Perëndimor me një vizitë në Serbi.
Nga aty ai ofroi mbështetjen e vendit të tij për integrimin e rajonit në Bashkimin Evropian.
Sanchez zhvilloi bisedime me presidentin e Serbisë, Aleksandar Vuçiç.
Zyrtarët e BE-së kohët e fundit janë përpjekur të inkurajojnë qeveritë në rajon që të vazhdojnë me reformat. Kjo mes shqetësimeve mbi përpjekjet e Rusisë për të rritur ndikimin e saj në Ballkan.
Zyra e kryeministrit spanjoll tha se do të inkurajojë të gjitha vendet e Ballkanit që të zbatojnë reformat e nevojshme që do t’i lejojnë ata të përshpejtojnë anëtarësimin e tyre në BE.
Po ashtu do t’u përcjellë atyre faktin se mund të mbështeten te Madridi zyrtar gjatë presidencës spanjolle të Bashkimit në gjysmën e dytë të 2023-shit.
Kryeministri synon gjithashtu të tregojë rëndësinë që Spanja i kushton marrëdhënieve dypalëshe politike, ekonomike dhe kulturore me vendet e Ballkanit Perëndimor, si dhe mbështetjen për përpjekjet që ata ndërmarrin për të qenë pjesë e bllokut.
Mbështetje që u përcoll tashmë në një samit të liderëve të BE-së dhe Ballkanit Perëndimor të mbajtur muajin e kaluar në Bruksel përpara takimit të Këshillit Evropian.
Sanchez u zotua të fillojë negociatat me Maqedoninë e Veriut dhe Shqipërinë dhe t’i japë statusin e kandidatit Bosnjë-Hercegovinës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Në Ballkanin Perëndimor gratë po vriten – është koha për të marrë masa
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë