Universiteti i Prishtinës “Hasan Prishtina” përmes një njoftimi në faqen zyrtare ka bërë të ditur se ka hapur konkursin për pranimin e studenteve në vitin e parë të studimeve themelore – Baçelor, për vitin akademik 2022/2023.
Në afatin e parë të konkursit, sipas këtij institucioni, gjithsej 5497 studentë të rregullt planifikohet të bëhen pjesë e UP-së për këtë vit akademik.
Universiteti i Prishtinës numëron dhjetëra programe studimore në 14 fakultete, dhe për t’u bërë pjesë duhet të aplikoni deri më datë 19 korrik 2022.
Në platformën ranguese “SCImago Institutions Rankings”, e cila e vlerëson performancën shkencore të institucioneve të arsimit të lartë, Universiteti i Prishtinës “Hasan Prishtina” ka shënuar avancim në vitin 2022, si në rangimin e përgjithshëm, ashtu edhe në rangimin sipas metrikave të bazuara në kërkimin shkencor, inovacionin dhe ndikimin në shoqëri.
Universiteti i kryeqytetit u themelua me Ligjin mbi themelimin e Universitetit të Prishtinës, të cilin e miratoi Kuvendi i Kosovës më 18 nëntor 1969.
Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Dita e Universitetit të Prishtinës.
Ndryshe, më 19 gusht të vitit të kaluar, rektor i UP-së është zgjedhur Naser Sahiti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Spahoviç: Serbia ka armë por jo ushtri, shqiptarët vdesin për vendin e tyre
-
Moska tregon tanket e armikut: “Perëndimi na sfidon, ne fitojmë”
-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit
-
Osmani uron Pashkët ortodokse: Kjo festë le të sjellë paqe e harmoni mes njerëzve
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in