Këngëtarja, Vesa Luma, ka reaguar pas zhvendosjes së festivalit “Sunny Hill” në Tiranë.
Ajo përmes një postimi në rrjetin social ‘Instagram’, ka thënë se Dua Lipa “e meriton me ia falë tokën për shkak të promovimit që i ka bërë Kosovës”.
“Dua është thesar! Në vend se me ja falë tokën (dhe jo vetëm aq) për vendin që aq shumë e ka promovuar..i mohohet! Ne nuk e meritojmë as Duan as Dukagjin Lipën as një festival si Sunny Hill”, ka shkruar ajo.
Sipas saj, Shqipëria gjithnjë i ka mirëpritur e çmuar artistët, për dallim nga Kosova ku “janë marrë me inate personale”.
“Për Tiranën mund të thoni çfarë të doni tani, bingo për rastin, edhe e ka hallall Shqipëria gjithmonë ka ditur t’i vlerësoj artistët dhe i ka pranuar me zemër të hapur, përderisa në Kosovë janë marrë paraprakisht me inate personale. Dorën në zemër”, vazhdoi më tej ajo.
Festivali “Sunny Hill”, për herë të parë është mbajtur në vitin 2016, duke vazhduar për katër vjet radhazi.
Në katër edicionet e tij, festivali ishte zhvilluar me lokacion në Parkun e Gërmisë në Prishtinë, me një kapacitet prej 20 mijë pjesëmarrësish.
Por, gjërat kanë ndryshuar sepse tash, “Sunny Hill”, do të organizohet në një lokacion të ri, në kryeqytetin shqiptar.
Kjo, sipas organizatorëve, për shkak të zvarritjes së përgjigjes nga Ministria e Administrimit Publik për dhënien e pronës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
Prezantohet strategjia e menaxhimit të Financave Publike, Gonzato: Puna bashkërenduese do jetë shumë bashkëpunuese
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë