Një burrë 30-vjeçar ka humbur jetën dhe një grua, 30-vjeçare po ashtu, është lënduar, pasi janë zënë nga lisi që u rrëzua në lagjen “Pejton” në Prishtinë, si pasojë e motit të ligë dhe erërave të forta.
Lajmin për Albanian Post e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën, përderisa e lënduara tjetër femër, po ashtu rreth 30 vjeç, është dërguar në QKUK për trajtimin e nevojshëm mjekësor”.
Tutje, Borovci ka thënë se kanë nisur hetimet për këtë rast.
“Aktualisht policia ka nisur ndërmarrjen e veprimeve hetimore me synim sqarimin e rrethanave që karakterizojnë ngjarjen”.
Në vendin e ngjarjes është raportuar se kanë dalë Drejtoria e Shërbimeve Publike nga Komuna e Prishtinës dhe mjekësia ligjore.
Rrëzime të tjera të pemëve të ndryshme nga erërat e forta është njoftuar se kanë ndodhur edhe në pjesë të tjera të kryeqytetit.
Qytetarët kanë dërguar fotografi, duke dokumentuar dëmet e shkaktuara nga era.
Në pasditen e së hënës ka filluar një rrebesh shiu i furishëm dhe gjithashtu erëra të forta.
Mot i ligë në Prishtinë dhe në gjithë territorin e Kosovës është paralajmëruar për gjithë javën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rohde: Kurti ka qenë në dijeni për kushtëzimin rreth Asociacionit – jam i befasuar që ai u shpreh i befasuar
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Netanyahu thotë se vendi i tij është i përgatitur të ‘qëndrojë i vetëm’
-
Kosova nën sanksionet e BE-së shënon Ditën e Evropës pa progres drejt integrimeve