Hapi i parë që Serbia duhet të bëjë në atë mënyrë që ajo të anëtarësohet në Bashkimin Evropian, është njohja e pavarësisë së Kosovës.
Kështu të paktën thotë Eurodeputeti austriak, Lukas Mandl, në postimin e fundit të tij në Twitter.
Madje sipas tij njohja e pavarësisë së Kosovës nga Serbia është imediate.
“Asnjëherë nuk e dija se do të kishte një alternativë për evropianët (në këtë rast në Serbi) në rrugën drejt BE-së. Por mirë nëse Aleksandër Vuçiq kujtohet tani. Hapi i parë pas kësaj “përvoje të damaskut” duhet të jetë njohja e shtetit më të ri të Evropës, Republikës së Kosovës, pa vonesa të mëtejshme”, ka shkruar Mandl në Twitter.
Never knew there would be an alternative for Europeans (in #Serbia in this case) to the EU-path. But good if @avucic remembers now. First step after this “damascus experience” must be the recognition of the youngest state of Europe, the Republic of #Kosovo, without further delay.
— Lukas Mandl (@lukasmandl) May 7, 2022
Ndryshe të mërkurën kancelari gjerman Scholz ka pritur në takim fillimisht Albin Kurtin e më pas edhe Aleksandër Vuçiç-in. Pas takimeve, me të dy, ka pasur konferenca për media.
Në konferencë është theksuar nevoja për normalizim raportesh, derisa kancelari gjerman e bëri të qartë se është i interesuar ta ringjall Procesin e Berlinit, proces që tenton rregullimin e raporteve mes shteteve të Ballkanit Perëndimor, me fokus në zhvillimin ekonomik.
Më vonë, pas konferencave, nën patronatin e Scholz, u mbajt darkë jo formale në mes të Lajçak-ut, Kurtit e Vuçiç-it.
Pas takimit, Kurti deklaroi se Vuçiç “ka vazhduar të mbajë qëndrimet e tij të vjetra”, duke lënë të nënkuptohet kështu se nuk janë bërë hapa përpara drejt zgjidhjes finale, për të cilën Kurti ka thënë se njohja reciproke “duhet të jetë në qendër”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Ndihma në Gaza do të bëhet funksionale në “dy-tre javë”
-
Abdixhiku kërkon vota për politikanin gjerman në prag të zgjedhjeve evropiane
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it