Kryetari i Komunës së Podujevës nga Lëvizja Vetëvendosje, Shpejtim Bulliqi, është dënuar me 500 euro gjobë dhe shpenzime të procedurës gjyqësore, pasi vitin e kaluar, pas një konfrontimi, e ka goditur me grusht një qytetar.
Vendimi ka ardhur nga Gjykata Themelore, Dega në Podujevë, për rastin që kishte ndodhur në Qendrën Kryesore të Mjekësisë Familjare në Podujevë.
“I pandehuri pas një mosmarrëveshje gojore me R. Z., tani i dëmtuar, me dashje i shkakton lëndim trupor në atë mënyrë që e godet të dëmtuarin me grusht në fytyrë në pjesën e majtë afër gojës”, thuhet në arsyetim të vendimit.
Pas këtij konfrontimi, viktimës “sipas ekspertizës mjeko-ligjore, i është shkaktuar lëndim i lehtë trupor me pasoja të përkohshme për shëndetin”, thuhet në aktgjykim.
Prandaj, gjykata “të akuzuarin Sh. B.”, e ka dënuar “ me gjobë në shumë prej pesëqind (500) Euro, të cilin dënim, I akuzuari është i detyruar të paguajnë në afat prej 15 ditësh, pas plotfuqishmërisë së këtij aktgjykimi”.
“Detyrohet i akuzuari që të paguaj shpenzimet e procedurës penale në shumë prej 20 euro për ekspertizën mjeko-ligjore, në emër të paushallit gjyqësor të paguaj shumën prej 20.00 €, ndërsa në emër të kompensimit të viktimave të paguaj shumën prej 30 euro, brenda afatit prej pesëmbëdhjetë (15) ditësh pas plotfuqishmërisë së këtij aktgjykimi”.
Vetë Bulliqi e kishte mohuar se e ka sulmuar viktimën. Kishte thënë se ishte ai që u ballafaqua dhe u gjendet në atë situatë pa fajin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Kushtetuese rrëzon kërkesat e ish-ministrit Lefter Koka
-
Abdixhiku takon kryetarët e degëve, diskuton për listat zgjedhore, komisionerët e vëzhguesit
-
Rreth 400 mijë euro u investuan për rregullimin e stadiumit të Vitisë – por ende është jashtë funksionit
-
UNMIK-u po e ndjek nga afër situatën pas refuzimit të vizitës së Porfirije në Kosovë
Lajmet kryesore
-
Qeveria plan me 4 pika për rritjen e kreditimit të ekonomisë, në fokus bujqësia
-
Gjykata Kushtetuese rrëzon kërkesat e ish-ministrit Lefter Koka
-
Pothuajse 450 mijë njerëz janë larguar nga Rafah brenda një jave, thotë OKB
-
Abdixhiku takon kryetarët e degëve, diskuton për listat zgjedhore, komisionerët e vëzhguesit