Gjilani ka bërë një hap shumë të vlefshëm drejt kreut të tabelës, të cilët mposhtën Ulpianën me rezultat 2:0, në ndeshjen e vlefshme të javës së 23-të në BKT Superligën e Kosovës në futboll.
Përkundër rasteve të shumta, pjesa e parë nuk dhuroi gola, derisa në të dytën Gjilani realizoi dy herë.
Golashënuesi më i miri aktualisht në Superligë, Gerhard Progni, kaloi gjilanasit në epërsi në minutën e 54-të, kur pas një goditjeje dënimi, harkimi i tij shkoi direkt në gol pa u prekur nga asnjë futbollist.
Ishte minuta e 75-të e ndeshjes, kur Gjilani realizoi edhe golin e qetësisë, me Shend Kelmendin realizator për 2:0.
Me këtë fitore, skuadra e Ismet Munishit ngjitet në vendin e dytë me 46 pikë, aq sa ka edhe Ballkani i vendit të parë.
Ndërsa Ulpiana gjendet në vendin e parafundit me 22 pikë.
Ekipi tjetër nga Gjilani, Drita, u befasua në këtë xhiro, teksa u mposht nga Drenica me rezultat 2:1.
Ndeshja në Skenderaj u zhbllokua shumë shpejtë, kur në minutën e shtatë, Fatlum Gashi kaloi kuqezinjtë në epërsi.
Në fund të pjesës së parë, Kreshnik Uka realizoi edhe golin e dytë për Drenicën, ku pastaj skuadrat shkuan në pushim me epërsi të dyfishtë të mysafirëve.
Me të filluar pjesa e dytë, Marko Simonovski ngushtoi shifrat, por pavarësisht kësa, Drenica arriti të mbrohej mjaft mirë, për të siguruar tre pikë shumë të rëndësishme.
Më këtë fitore, Drenica përforcon pozitën e pestë me 31 pikë, ndërsa Drita humb hapin me kryesuesit e tabelës, Gjilanin dhe Ballkanin, duke mbetur në kuotën e 41 pikëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”